پیٹرول قیمتوں میں اضافہ کیخلاف احتجاج | قازقستان کے وزیراعظم مستعفی،کابینہ برطرف

نور سلطان// قازقستان میں پیٹرول کی قیمتوں میں اضافے کیخلاف ملک بھر میں ہونے والے احتجاج اور پْرتشدد مظاہروں کے بعد وزیراعظم عسکر مامن نے اپنے عہدے سے استعفی دے دیا ہے۔عالمی خبر رساں ادارے کے مطابق قازقستان میں 2جنوری سے پیٹرولیم مصنوعات کی قیمتوں میں اضافے پر ملک گیر احتجاج جاری ہے، احتجاج کے دوران مظاہرین سے جھڑپوں میں 95 پولیس اہلکار زخمی ہوئے اور 200 مظاہرین کو گرفتار کیا گیا۔مظاہرین نے پیٹرول قیمتوں میں نصف سے زیادہ کمی یا کم از کم گزشتہ برس کے برابر کرنے کا مطالبہ کرتے ہوئے کہا تھا کہ حکومت کے مستعفیٰ ہونے تک ملک گیر احتجاج جاری رہے گا۔عوامی مطالبے پر صدر قاسم نے وزیراعظم سے طویل ملاقات کی جس کے بعد وزیراعظم عسکر مامن نے صدر کو اپنا استعفیٰ پیش کردیا۔