پیغمبر اسلام کی شان میں گستاخی کا معاملہ: سری نگر کے کچھ حصوں میں مکمل بند

نیوز ڈیسک
سری نگر//سری نگر کے کچھ حصوں میں پیغمبر محمد صلی اللہ علیہ وسلم کے خلاف کی گئی متنازعہ بیان بازی پر جمعہ کو مکمل بند رکھا گیا۔

 

تفصیلات کے مطابق بھاجپا کے سابق لیڈران کی جانب سے پیغمبرِ اسلام کی شان میں گستاخانہ کلمات کا استعمال کئے جانے کے خلاف مکمل بند رکھا گیا۔ 

 

سرینگر کے لالچوک علاقے میں پرانے شہر کے کچھ علاقوں میں زیادہ تر دکانیں اور کاروباری ادارے بند دیکھے گئے۔

 

تاہم، حکام کے مطابق، ان علاقوں میں پبلک ٹرانسپورٹ اور پرائیویٹ گاڑیاں چل رہیں تھیں۔

 

عہدیداروں نے بتایا کہ شہر کے حساس مقامات اور وادی میں امن و امان کو برقرار رکھنے کے لئے سیکورٹی فورسز کو مضبوطی سے تعینات کیا گیا ہے۔

 

بی جے پی کی معطل ترجمان نوپور شرما اور پارٹی کی دہلی یونٹ کے سابق میڈیا سربراہ نوین جندال کی طرف سے پیغمبر اسلام کے بارے میں کیے گئے تبصروں کے خلاف گزشتہ جمعہ کو سری نگر کے کئی حصوں میں احتجاجی مظاہرے کیے گئے۔

 

ان تبصروں نے کئی اسلامی ممالک میں شدید ردعمل کا اظہار کیا اور ہندوستانی مصنوعات کے بائیکاٹ کا مطالبہ کیا۔ بھارت کے کئی شہروں میں بھی مظاہرے ہوئے ہیں، جبکہ شرما کے خلاف متعدد ایف آئی آر درج کی گئی ہیں۔