سرینگر//وادی میں پنچایتی انتخابات کے چوتھے مرحلے میں8اضلاع کے16بلاکوں میں269پنچایتی حلقوں اور2122نشستوں پر انتخاب ہوگا۔92سرپنچ نشستوں اور1383پنچ وارڈوں پر کسی بھی امیدوار کی طرف سے کاغذات نامزدگی داخل نہ کرنے کے نتیجے میں یہاںانتخاب نہیں ہوگا۔ پنچایتی الیکشن کے چوتھے مرحلے میں کپوارہ ضلع کے ماور قلم آباد ، بانڈی پورہ ضلع کے بانڈی پورہ حلقے ، بارہمولہ کے بجہامہ ، وائیلو اور سنگھ پورہ ، بڈگام ضلع کے بیروہ اور وترہیل ،پلوامہ ضلع کے آری پل اور پلوامہ اورکولگام کنڈ بلاک کے علاوہ اننت ناگ کے اچھہ بل ، قاضی گنڈ ، ویسو ، شانگس اور چھترگل پنچایتی حلقوں میں انتخاب ہونا ہے،تاہم شوپیاں میں منگل کو کوئی بھی انتخاب نہیں ہوگا۔ الیکشن کمیشن ذرائع کے مطابق مجموعی طور پر16بلاکوں میں269پنچایتی حلقوں اور2122پنچ وارڈوں پر انتخاب ہونا تھا،تاہم99سرپنچ اور577پنچ بلا مقابلہ کامیاب قرار دئے گئے ہیں۔منگل کو78پنچ نشستوں پر199امیدواروں اور162 پنچ وارڈوں میں354امیدواروں کے درمیان انتخابی دنگل ہوگی۔
جنوبی کشمیر
ضلع پلوامہ کے2بلاکوں آری پل ترال اور پلوامہ بلاکوں میں40سرپنچ نشستوں اور316پنچ وارڈوں میں انتخاب ہونا ہے،جس کے لئے11سرپنچ اور9پنچ بلا مقابلہ کامیاب ہوگئے ہیں۔ ایک سرپنچ نشست پر2امیدواروں کے درمیان انتخابی دنگل ہوگا۔ مجموعی طور پر307پنچ وارڈوں اور29سرپنچ نشستیں خالی رہیں گی،اور ان پر انتخاب نہیں ہوگا۔ ضلع شوپیاں میں ایک بلاک پر12سرپنچ نشستوں اور107پنچ وارڈوں میں منگل کو انتخاب ہونا تھا،جس کے دوران3سرپنچ اور9بلا مقابلہ کامیاب قرار دئے گئے ہیں۔ ضلع میں98پنچ وارڈوں اور9سرپنچ نشستوں پر کوئی بھی امیدوار کھڑا نہیں ہوا ہے،جس کے نتیجے میں اس مرحلے میں شوپیاں میں کوئی بھی انتخاب نہیں ہوگا۔ ضلع کولگام کے ایک بلاک کنڈ میں10سرپنچ نشستوں اور84 وارڈوں میں انتخاب ہونا تھا،اس دوران3سرپنچ اور26پنچ بلا مقابلہ کامیاب قرار دئیے گئے۔ منگل کو6سرپنچ نشستوں پر13امیدواروں اور7 پنچ وارڈوں میں15امیدواروں کے درمیان مقابلہ ہوگا۔ اس مرحلے میں ایک سرپنچ اور51پنچ نشستیں خالی رہیں گی،اور ان پر الیکشن نہیں ہوگا۔اننت ناگ کے5بلاکوں اچھہ بل ، قاضی گنڈ ، ویسو ، شانگس اور چھترگل میں81پنچایتی حلقوں میں615پنچ وارڈوں میں انتخاب ہونا ہے۔37سرپنچ اور178پنچ بلا مقابلہ کامیاب ہوگئے ہیں۔آج 24سرپنچ نشستوں پر56امیدواروں،جبکہ22 پنچ وارڈوں پر65امیدواروں کے درمیان مقابلہ ہوگا۔چوتھے مرحلے میں20 سرپنچ نشستوں اور415پنچ وارڈوں میں کوئی بھی انتخاب نہیں ہوگا،کیونکہ کوئی بھی امیدوار ان نشستوں پر سامنے نہیں آیا ہے۔
وسطی کشمیر
وسطی ضلع بڈگام کے دو بلاکوں بیروہ اور وترہیل میں36سرپنچ نشستوں اور314پنچ وارڈوں میں آج انتخاب ہونا تھا،جس میں14 سرپنچ اور28پنچ میدان میں اکیلے ہیں،اور بلا مقابلہ کامیاب ہوئے ہیں۔ منگل کو صرف ایک پنچ نشست پر 2امیدواروں کے درمیان انتخاب ہوگا۔مجموعی طور پر22سرپنچ اور285پنچ نشستیں خالی رہیں گی،کیونکہ ان نشستوں پر کوئی بھی امیدوار سامنے نہیں آیا ہے۔
شمالی کشمیر
سرحدی ضلع کپوارہ کے ماور قلم آباد میں چوتھے مرحلے پر ہونے والے انتخاب میں22 سرپنچ نشستوں کے200پنچ وارڈوں میں انتخاب ہونا ہے۔9سرپنچ اور122پنچوں نے بلا مقابلہ میدان مار لیا ہے۔ آج13سرپنچ نشستوں پر36جبکہ37پنچ وارڈوں پر75امیدواروں کے درمیان انتخابی مقابلہ ہوگا،تاہم41پنچ وارڈوں میں کوئی بھی امیدوار سامنے نہیں آیا ہے۔ ضلع بانڈی پورہ کے بلاک بانڈی پورہ میں انتخابات کے دوران26سرپنچ نشستوں کے182پنچ وارڈوں میں انتخاب ہونا ہے،جس کے دوران12سرپنچ اور61پنچ بلا مقابلہ کامیاب قرارہوئے ہیں۔ اس دوران8سرپنچ نشستوں پر21 اور15پنچ وارڈوں پر30امیدواروں کے درمیان انتخابی جنگ ہوگی۔ مجموعی طور پر106پنچ وارڈوں اور6سرپنچ نشستوں پر کوئی انتخاب نہیں ہوگا۔ بارہمولہ کے3حلقوں بجہامہ اوڑی ، وائیلو اور سنگھ پورہ میں42سرپنچ نشستوں کے334پنچ وارڈوں میں انتخاب ہونا ہے،تاہم10سرپنچ اور144پنچوں نے بلا مقابلہ کامیابی حاصل کی۔26سرپنچ نشستوں پر71 اور80پنچ وارڈوں میں167امیدوار میدان میں ہیں۔ مجموعی طور پر ان بلاکوں میں6سرپنچ نشستوں اور110پنچ وارڈوں میں کوئی بھی امیدوار نہیں ہیں،جن کی وجہ سے یہ نشستیں خالی رہیں گی۔
