پنجاب میں کسانوں کے ’ریل روکو آندولن‘ سے جموں میں ریل خدمات متاثر

 جموں//پنجاب میں کسانوں کے ’ریل روکو آندولن‘ سے یہاں جموں میں منگل کے روز ریل خدمات متاثر ہوئی ہیں۔سرکاری ذرائع نے بتایا کہ حتجاجی کسانوں نے جموں- جالندھر سیکشن کے ریل ٹریفک کو بند کر دیا جس کے نتیجے میں جموں، کٹرہ اور اودھم پور ریلوے اسٹیشنوں پر 16 ٹرینوں کو منسوخ کیا گیا۔کرنٹ نیوز آف انڈیا کے مطابق پنجاب میں کسانوں کے ’ریل روکو آندولن‘ سے یہاں جموں میں منگل کے روز ریل خدمات متاثر ہوئی ہیں۔ بتادیں کہ پنجاب کے امرتسر میں کسان مزدور سنگھرش کمیٹی (کے ایم ایس سی) نے پیر کے روز کسانوں کے بینک قرضہ معاف کرنے اور زرعی قوانین کی منسوخی کی تحریک کے دوران جان بحق ہونے والوں کے لواحقین کو معاوضہ اور نوکریاں دینے کے مطالبات کو لے کر منگل کے روز ’ریل روکو آندولن‘ شروع کیا۔سرکاری ذرائع نے بتایا کہ احتجاجی کسانوں نے جموں- جالندھر سیکشن کے ریل ٹریفک کو بند کر دیا جس کے نتیجے میں جموں، کٹرہ اور اودھم پور ریلوے اسٹیشنوں پر 16 ٹرینوں کو منسوخ کیا گیا۔ انہوں نے کہا کہ ٹرینوں کی اس اچانک منسوخی کے باعث اسٹیشنوں پر انتظار کرنے والے مسافروں کو گوناگوں مشکلات اور پریشانیوں کا سامنا کرنا پڑا۔