پرستان انڈر واٹر سپورٹس چمپئنشپ اختتام پذیر

عظمیٰ نیوز سروس

سرینگر//سوئم این سروائیو سوسائٹی کشمیر کے اہتمام سے دو روزہ پرستان انڈر واٹر اسپورٹس چمپیئن شپ کا اختتام کیا۔ 2 دنوں کے دوران سوئم این سروائیو سوسائٹی نے تقریباً 10 ایونٹس کا انعقاد کیا جس میں مختلف زمروں میں لڑکوں اور لڑکیوں کی تیراکی کیے مقابلے دیکھنے کو ملے۔ اس ٹورنامنٹ میں مجموعی طور پر120تیراکوں نے شرکت کی۔اختتامی تقریب پر پرستان کے اعجاز احمد خان مہمان خصوصی تھے،جبکہ تقریب میں ڈاکٹر ریاض احمد صوفی ،سوئم این سروائیو سوسائٹی کے ورکنگ صدر حاجی شکیل احمد شاہ اور نائب صدر ڈاکٹر شیخ طارق، معروف تیراکی کے ماہر ریاض وانی، سیکرٹری سوئم این سروائیو سوسائٹی یاسر مخدومی نے بھی شرکت کی۔

اس موقع پر خطاب کرتے ہوئے اعجااز احمد خان نے تمام جیتنے والوں اور ٹورنامنٹ میں شرکت کرنے والے تیراکوں کو کو مبارکباد پیش کی اور سوئم اینڈ سروائیو سوسائٹی کشمیر کے تیراکی کے ماہرین کی کوششوں کو سراہا جنہوں نے اپنے مصروف شیڈول کے باوجود صبح کے اوقات میں تربیت فراہم کی۔جنید شفیع صوفی بہترین تیراک قرار پائے جبکہ ثقلین احمد اور آیان بندے نظم و ضبط کے حامل تیراک قرار پائے۔ احمد سمیر کاٹھواری سب سے کم عمر تیراک تھے جبکہ تعمیرات عامہ کے ریٹائرڈ جونیئر انجینئرکی حیثیت سے مشتاق احمد وانی چمپئن شپ کے تجربہ کار تیراک تھے۔سوئم این سروائیو سوسائٹی کشمیرکے صدر سید شاہد افضلزیدی نے ایونٹ میں جوش و خروش کے ساتھ مقابلہ کرنے کے لیے تمام تیراکوں کی کوششوں کو سراہا۔سوسائٹی نے محکمہ سیاحت، تیراکی کے ماہرین، حکام اور اسپانسرز کے تعاون کے لیے شکریہ کا ووٹ پیش کیا۔ اس تقریب کو پرستان دی برائیڈل لاؤنج نے سپانسر کیا تھا، جس کا اہتمام سوئم این سروائیول سوسائٹی کشمیر نے کیا تھا اور اسے انڈر واٹر اسپورٹس ایسوسی ایشن آف جے اینڈ کے میڈیا پارٹنر میڈیا لائن ایڈورٹائزنگ نے سپورٹ کیا تھا۔