عازم جان
سرینگر //ویجی لینس بیداری ہفتہ کے بینر تلے موٹر وہیکل ڈپارٹمنٹ بانڈی پورہ نے ہفتہ کو ضلع بھر میں بیداری کیمپوں کا انعقاد کیا جن میں بانڈی پورہ، حاجن اور سمبل شامل ہیں۔اے آر ٹی او بانڈی پورہ بلال احمد میر نے کہا کہ محکمہ نے کمیونٹی خاص طور پر ٹرانسپورٹروں کے ساتھ فعال طور پر منسلک ہونے اور اپنے آپریشنل فریم ورک میں دیانتداری اور جوابدہی کی اقدار کو فروغ دینے کیلئے فعال اقدامات کئے ہیں۔
انہوں نے کہا کہ اس عزم کے تحت ضلع کے مختلف حصوں میں ہفتہ بھر بیداری کیمپوں کا انعقاد کیا گیا۔پروگرام کے دوران شرکاء کو سرکاری اور نجی شعبوں میں بدعنوانی کے طریقوں کی نشاندہی اور رپورٹنگ کی اہمیت کے بارے میں آگاہ کیا گیا۔ اس موقع پر حکومتی کارروائیوں میں شفاف نظام اور طریقہ کار کی اہمیت پر بھی روشنی ڈالی گئی۔اس موقع پر ٹرانسپورٹروں اور عام لوگوں کو محکمہ ٹرانسپورٹ کی حال ہی میں شروع کی گئی سروسز کے بارے میں آگاہ کیا گیا۔شرکاء کو نئی شروع کی گئی خدمات کے بارے میں جامع معلومات فراہم کی گئیں، جس میں فوائد اور رسائی میں آسانی پر زور دیا گیا۔اسے بتایا گیا کہ نئی سروسز کا مقصد لائسنسنگ، رجسٹریشن، پرمٹ اور ٹرانسپورٹ سے متعلق دیگر سرگرمیوں سے متعلق عمل کو ہموار کرنا ہے، جس سے ذاتی طور پر دوروں کی ضرورت کو کم کرنا اور کاغذی کارروائی کو کم کرنا ہے۔ادھر سرینگر کی صدر ٹریجری میں ’کرپشن کونا کہو، قوم سے عہد کرو‘ کے موضوع کے تحت ایک بیداری پروگرام کا انعقاد کیا گیا۔اس پروگرام کا انعقاد صدر ٹریجری نے ڈائریکٹوریٹ جنرل آف آڈٹ اینڈ انسپیکشن کے تعاون سے ٹریجری افسر صدر جاوید مقبول کھانڈے کی نگرانی میں کیا تھا۔سید فدا حسین، سینئر آڈٹ آفیسر اور گلزار احمد، آڈٹ آفیسر ڈائریکٹوریٹ جنرل آف آڈٹ اینڈ انسپکشن کے خصوصی طور مدعو تھے۔جلسے سے خطاب کرتے ہوئے مقررین نے کہا کہ بدعنوانی ملک کی معاشی اور سماجی ترقی میں نمایاں رکاوٹ ہے۔اس موقع پر حکومت کی طرف سے بدعنوانی کے خاتمے کیلئے کئے جانے والے اقدامات پر روشنی ڈالی گئی۔
