ورلڈ کپ سے قبل آسٹریلیا کو جھٹکا سلامی بلے بازٹریوس کا ہاتھ زخمی

یو این آئی

کیپ ٹاؤن// آسٹریلیا کو ورلڈ کپ سے قبل اس وقت بڑا دھچکا لگا جب اس کے اوپننگ بلے باز ٹریوس ہیڈ جنوبی افریقہ کے خلاف کھیلے جا رہے ون ڈے انٹرنیشنل (او ڈی آئی) سیریز کے چوتھے میچ میں زخمی ہو گئے ۔ جنوبی افریقہ کے خلاف جاری سیریز کے چوتھے ون ڈے میں جیرالڈ کوٹزی کی خطرناک انداز میں شارٹ گیند لگنے سے ہیڈ کے بائیں ہاتھ میں فریکچر ہو گیا۔ یہ کہنا مشکل ہے کہ آسٹریلیائی بلے باز ورلڈ کپ کھیلنے کے لیے وقت پر فٹ ہوں گے یا نہیں۔ میکڈونلڈس نے آئی سی سی کے حوالے سے نے کہا “یہ ایک فریکچر ہے ” ۔ یہ کتنا سنگین ہے اور انہیں صحت یاب ہونے میں کتنا وقت لگے گا یہ اسکین کے بعد معلوم ہوگا۔ میرے خیال میں ٹریوس ہیڈ کے بارے میں تفصیلات اسی وقت بتائی جا سکتی ہیں جب وہ اسکین کے لیے جائیں گے ۔ میں ڈاکٹر نہیں ہوں لیکن میرے خیال میں یہ چوٹ زیادہ ہے ۔ ورلڈ کپ قریب آرہا ہے اور ایسی صورتحال میں ایسا ہونا بہت افسوسناک ہے ۔ ہیڈ کو ورلڈ کپ کے لیے آسٹریلیا کے ابتدائی 15 کھلاڑیوں کے اسکواڈ میں شامل کیا گیا ہے اور 29 سالہ کھلاڑی اب 8 اکتوبر کو چنئی میں میزبان ہندستان کے خلاف اپنی ٹیم کے ٹورنامنٹ کے افتتاحی میچ کے لیے فٹ ہونے کے لیے سخت محنت کرنی ہوگی۔ ورلڈ کپ میں حصہ لینے والی ٹیموں کو 28 ستمبر تک ٹورنامنٹ کے لیے اپنے حتمی 15 کھلاڑیوں پر مشتمل اسکواڈ آئی سی سی کو جمع کرانے کا وقت ہے اور اس تاریخ کے بعد تبدیلیاں صرف ایونٹ کے منتظمین کی اجازت سے کی جا سکتی ہیں۔ اگر ہیڈ کو باہر کیا جاتا ہے تو آسٹریلیا کے پاس مارنس لیبوشن اور ہارڈ ہٹنگ آل راؤنڈر ٹم ڈیوڈ جیسے متبادل موجود ہیں جو ان کی جگہ لے سکتے ہیں۔