عظمیٰ نیوز سروس
سرینگر// گاندربل میں، شیر کشمیر یونیورسٹی آف ایگریکلچرل سائنسز اینڈ ٹکنالوجی کے7 طلبا کو19 نومبر کو کرکٹ ورلڈ کپ کے فائنل میں آسٹریلیا سے ہارنے کے بعد طلبا کے ساتھ تصادم کے بعد گرفتار کیا گیا۔ایف آئی آر کے مطابق طلبا کو غیر قانونی سرگرمیوں کی روک تھام کے قانون کی دفعہ 13 اور تعزیرات ہند کی دفعہ 505 اور 506 کے تحت عوامی فساد اور مجرمانہ دھمکیوں سے متعلق الزامات کا سامنا ہے۔ پولیس سپرانٹنڈنٹ نکھل بورکر کا کہنا ہے، “ہم نے کچھ دفعات کو لاگو کیا ہے، لیکن جب بھی کسی کیس میں تفتیش ہوتی ہے، تو تحقیقات کے نتائج کے مطابق کچھ دفعات کو شامل یا حذف کردیا جاتا ہے۔ تفتیش جاری ہے، اور جو کچھ بھی ہوگا، ہم آپ کو اس وقت بتا دیں گے۔”
یہ مقدمہ جموں و کشمیر سے باہر کے ایک طالب علم کی شکایت پر ورلڈ کپ فائنل کے ایک دن بعد درج کیا گیا ہے۔ شکایت کنندہ نے یونیورسٹی کے ویٹرنری سائنسز اور حیوانات کے شعبہ سے تعلق رکھنے والے سات مقامی طلبا پر ہندوستان کی حمایت کرنے پر اسے “گالی” دینے اور “دھمکی” دینے کا الزام لگایا۔ شکایت میں تشدد کی مبینہ دھمکیوں کا بھی ذکر کیا گیا، یہ کہتے ہوئے، “انہوں نے مجھے خاموش رہنے کی دھمکی بھی دی، ورنہ مجھے گولی مار دی جائے گی۔”شکایت کنندہ نے مزید دعوی کیا کہ ملزم طلبہ نے میچ کے بعد پاکستان کے حق میں نعرے لگائے جس سے یونین ٹیریٹری سے باہر کے طلبہ میں خوف پیدا ہوا۔ مبینہ طور پر یہ واقعہ گاندربل ضلع میں یونیورسٹی کے شوہامہ کیمپس کے دو انڈرگریجویٹ ہاسٹلوں میں سے ایک میں پیش آیا۔جب کہ کوئی جسمانی تشدد یا تصادم نہیں تھا، شکایت کنندگان نے ہاسٹل کے اندر مبینہ نعرے بازی کی ایک ویڈیو حاصل کی، جسے انہوں نے پولیس میں جمع کرائی۔ یونیورسٹینے کہا، یہ ایک افسوسناک واقعہ ہے۔ یہ طلبا اپنی ڈگریوں کی تکمیل کے دہانے پر ہیں۔” ملزم طلبا، زیادہ تر ویٹرنری سائنسز اور حیوانات کے انڈرگریجویٹ چوتھے سال کے ہیں، فی الحال پولیس ریمانڈ میں ہیں۔
