اشفاق سعید
سرینگر// وادی کشمیر میں سیلاب کی صورت حال میں جمعرات کو نمایاں بہتری دکھائی دی کیونکہ جہلم اور دیگرمعاون ندی نالوں میں پانی کی سطح میں کافی حد تک کمی واقع ہوئی ۔رات 8 بجے 22.09 فٹ تک پہنچنے پر سنگم گیج پر جہلم میں پانی کی سطح جمعرات کو دوپہر 18.29 پر تھی۔ تاہم انہوں نے کہا کہ پانی کی سطح اب بھی 18 فٹ کے ’فلڈ ڈیکلریشن مارک‘ سے اوپر ہے۔
رام منشی باغ میں جہلم دوپہر کے وقت 19.2 فٹ کی رفتار سے بہہ رہا تھا جبکہ صبح 4 بجے 19.77 فٹ تھا۔حکام نے کہا کہ “جیسے جیسے دن آگے بڑھتا گیا پانی کی سطح میں مزید کمی آتی گئی۔” پانی کی سطح اب بھی خطرے کے نشان 18 فٹ سے اوپر تھی۔عشم سونہ واری میں جہلم کی سطح 12.58 فٹ پر تھی جوسیلاب کے خطرے سے تقریباً 2 فٹ نیچے تھا۔کچھ معاون ندیوں کے بارے میںحکام نے بتایا، پانی کی سطح اب خطرے کی سطح سے نیچے آ گئی ہے۔ انہوں نے کہا کہ کھڈونی کولگام میں ویشو نالہ 7.0 میٹر کے سیلاب کے نشان کے مقابلے میں 5.81 میٹر پر بہہ رہا ہے۔ انہوں نے کہا کہ 22 جون کو دوپہر کے وقت، کھڈونی کولگام میں وشو نالہ میں پانی کی سطح 10.7 میٹر تک پہنچ گئی تھی۔
انہوں نے کہا، وچی شوپیاں میں رامبی آرہ نالہ کی سطح دوپہر کے وقت 5.7 کے خطرے کے نشان کے خلاف 1.99 میٹر تھی جبکہ بٹہ کوٹ پہلگام میں نالہ لدر 1.65 میٹر کے خطرے کی سطح کے خلاف 0.76 میٹر پر بہہ رہا تھا۔ برزلہ میں دودھ گنگا نالہ 3.8 میٹر کے خطرناک نشان کے خلاف 1.78 میٹر پر بہہ رہا تھا۔ دودرہامہ گاندربل میں سندھ نالہ (22 جون) دوپہر 3.36 میٹر کے مقابلے میں 1.99 میٹر بہہ رہا تھا۔جمعرات کو ٹنل کے آر پار جمعرات موسم ابر آلود رہا جبکہ دھوپ بھی کھلی۔ محکمہ موسمیات نے بتایا 30جون تک وادی میں کسی بڑی موسمی تبدیلی کا کوئی امکان نہیں ہے ۔محکمہ موسمیات کے ڈائریکٹر سونم لوٹس نے کہا کہ جموں و کشمیر میں مہینے کے آخر تک موسم عام طور پر خشک رہنے کا امکان ہے۔انہوں نے تاہم کہا کہ کبھی شام کے اوقات میںاکا دکا مقامات پربونداباندی یاہلکی بارش بھی ہوسکتی ہے ۔ سونم لوٹس نے کہاکہ مجموعی طور پر، جون کے اختتام تک کسی بڑی بارش کی سرگرمی کی کوئی پیش گوئی نہیں ہے۔
Related
ماں کا دودھ نوزائیدہ کیلئے مربوط اور بیماریوں سے پاک غذا
گائیڈ کی لاش برآمد، سیاح ہنوذ لاپتہ
سرینگر میںہاوس بوٹ ڈوب گیا
اشفاق سعید
سرینگر//پہلگام کے تار سر جھیل میں غیر مقامی سیاحوں کو بچانے کے دوران جھیل میں غرق آب ہونے والے مقامی ٹورسٹ گائیڈ کی لاش برآمد کی گئی جبکہ پانی کی لہروں میں گم ہونے والے سیاح کی تلاش جاری ہے۔ریسکیو ٹیموں نے مقامی ٹورسٹ گائیڈ شکیل احمد ٹھیکرے ساکن گگن گیر کنگن کی لاش لدر وٹھ کے مقام سے برآمدکی۔مذکورہ ٹورسٹ گائیڈ بدھ کو ایک سیاح کو ڈوبنے سے بچانے کے دوران غرق آب ہوا تھا۔ادھرسرینگر میں جھیل ڈل میں شدید بارشوں کے بعد ایک ہاوس بوٹ ڈوب گیا۔ جمعرات کی صبح ’کولہائی‘ نامی ہاؤس بوٹ ڈوب گیا اور اس وقت ہاوس بوٹ میں7سیاح اور 2 کنبوں کے افراد خانہ موجود تھے۔ سات سیاحوں کو پہلے ہی بحفاظت باہر نکالا گیا تھا ، بعدمیں اہلخانہ کو باہر نکالا گیا۔
