وادی میں دوسرے روز بھی کوئی کورونامثبت نہیں

سرینگر //پرویز احمد //پچھلے 3دنوں کے دوران جموں و کشمیر کے 16اضلاع میں کسی کی رپورٹ مثبت نہیں آئی ہے جبکہ دیگر 4اضلاع میں کورونا وائرس سے 27افراد متاثر ہوئے ہیں۔ متاثرین کی مجموعی تعداد4لاکھ 54ہزار 79ہوگئی ہے۔ اس دوران پچھلے 20دنوں کے دوران جموں و کشمیر میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 4751ہوگئی ہے۔ محکمہ صحت کی جانب سے فراہم کئے گئے اعداد و شمار کے کشمیر صوبے میں مسلسل دوسرے دن بھی کورونا وائرس سے کوئی بھی متاثر نہیں ہوا ہے جبکہ جموں صوبے میں پچھلے 2دنوں کے دوران 14افراد کی رپورٹیں مثبت آئی ہیں۔4اور 5مئی کو کشمیر صوبے میں 10اضلاع  جن میںمیں سرینگر ، بارہمولہ، بڈگام، پلوامہ ، کپوارہ، اننت ناگ، بانڈی پورہ، گاندربل، کلگام اور شوپیان میں کسی کی رپورٹ مثبت نہیں آئی ہیجبکہ عیدالفطر کے پہلے دن یعنی منگل کو کشمیر صوبے کے7اضلاع جن میں پلوامہ، کپوارہ، اننت ناگ، بانڈی پورہ، گاندربل، کولگام اور شوپیان میں کسی کی رپورٹ مثبت نہیں آئی تھی جبکہ دیگر 3اضلاع میں 12افراد کو مثبت قرار دیا گیا تھا ۔ 3مئی کو کشمیر میں مثبت قرار دئے گئے12افراد میں سے ایک بیرون ریاستوں سے سفر کرکے واپس لوٹا جبکہ دیگر 11افراد مقامی سطح پر رابطے میں آنے کی وجہ سے متاثر ہوئے تھے۔ کشمیر میں متاثر ہونے والے12افراد میں سرینگر میں4،بارہمولہ میں 3 جبکہ بڈگام میں5افراد کی رپورٹیں مثبت قرار دی گئی ہیں۔کشمیر صوبے میں متاثرین کی مجموعی تعداد 2لاکھ 87ہزار 721ہوگئی ہے۔اس دوران وادی میں پچھلے 62دنوں میں کورونا وائرس سے کسی کی جان نہیں گئی ہے۔ متوفین کی مجموعی تعداد 2423بنی ہوئی ہے۔جموں صوبے کے 9اضلاع میں پچھلے3دنوں کے دوران کسی کی رپورٹ مثبت نہیں آئی ہے جن میں ادھمپور، راجوری، ڈوڈہ، کٹھوعہ، سانبہ، کشتواڑ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ ضلع جموں میں3دنوں کے دوران 15افراد کو مثبت قرار دیا گیا ہے۔ ضلع جموں میں 4مئی کو 7اور 5مئی کو 7افراد کی رپورٹیں مثبت قرار دی گئی ہیں جبکہ 3مئی کو ضلع جموں میں ایک شخص وائرس سے متاثر ہوا تھا۔ جموں صوبے میں متاثرین کی مجموعی تعداد 1لاکھ 66ہزار 351ہوگئی ہے۔ جموں صوبے میں پچھلے 20دنوں کے دوران کورونا وائرس سے کسی کی موت نہیں ہوئی ہے۔ متوفین کی مجموعی تعداد 2328بنی ہوئی ہے۔