نیشنل رولر سکیٹنگ چیمپئن شپ جے اینڈ کے ماسٹرز نے 5واں گولڈ میڈل جیتا

عظمیٰ نیوز سروس

چندی گڑھ// بین الاقوامی رولر ہاکی پلیئر راجیش آنند، (جے اینڈ کے پولیس) کی قیادت میں جموں و کشمیر کی ماسٹرز رولر ہاکی ٹیم نے 61 ویں نیشنل رولر میں ایک بار پھر لگاتار 5ویں سال قومی اعزاز حاصل کیا۔ چندی گڑھ میں اسکیٹنگ چیمپئن شپ کا انعقادہوا ۔جموں و کشمیر کی ٹیم نے اپنے لیگ میچوں میں چندی گڑھ، تلنگانہ اور پنجاب کی ٹیموں کو شکست دی اور شاندار کارکردگی کا مظاہرہ کیا جسے ہجوم نے بہت سراہا ۔یہاں یہ بات قابل ذکر ہے کہ جموں و کشمیر کی ماسٹرز رولر ہاکی ٹیم جس میں مختلف محکموں کے عہدیدار شامل تھے، گزشتہ پانچ سالوں سے ایک بھی میچ نہیں ہارے۔ستاروں سے جڑی ٹیم کے ارکان میں پرم ویر سنگھ (جل شکتی محکمہ)، گگن سنگھ جموال (محکمہ اطلاعات)، انکش کھولی (مہمان نوازی اور خاطر تواضع)، رائبریندر سنگھ (جانور اور بھیڑ پالنے کا محکمہ)، وکرم گپتا (پی ایم جی ایس وائی) ، سلیل مہاجن، (ایگزیکٹیو انجینئر، الیکٹرک ڈویڑن II، جے پی ڈی سی ایل، جموں)، سنجیو کمار، (محکمہ سیاحت)، اروندیپ سنگھ، (اسکول ایجوکیشن ڈیپارٹمنٹ)شامل تھے۔