غلام محمد
سرینگر// 200 سے زیادہ طلباء اور اساتذہ نے ایس کے آئی سی سی سری نگر میں ‘پراگاش’ انوویشن شوکیس میں مشن ڈائریکٹر، اٹل انوویشن مشن، نیتی آیوگ چنتن وشنو کی موجودگی میں اختراع میں اپنی صلاحیتوں کا مظاہرہ کیا۔ 67 نجی اور گورنمنٹ سکولوں کے طلباء نے اپنے پراجیکٹ دکھائے جن میں مقامی ایپل گریڈر سے لے کر کسانوں کے لیے معاون آلات، سمارٹ روبوٹس، ویدر سٹیشنز اور اسی طرح کی اختراعات شامل ہیں۔ڈاکٹر چنتن وشنو نے کہا کہ جموں و کشمیر میں اختراع کو فروغ دینے کی بڑی صلاحیت ہے اور مزید کہا کہ نیتی آیوگ انوویشن انڈیکس کے مطابق، جموں و کشمیر نے تمام UTs میں چھٹا مقام حاصل کیا، اور فی کس جدت کا سکور امید افزا تھا۔ قابل ذکر ہے کہ اٹل انوویشن مشن (اے آئی ایم) بچوں میں اختراعی اور کاروباری شخصیت کی ثقافت پیدا کرنے اور اسے فروغ دینے کے لیے حکومت ہند کا اہم اقدام ہے۔ تقریب کا اہتمام پی جام فاؤنڈیشن، پونے نے کیا تھا۔ پی آئی جام کے بانی شعیب ڈار نے کہا کہ تعلیم’ کشمیر کے سماجی تانے بانے کا ایک حصہ ہے اور شال بنانے کے مشہور فن کی بنیاد ہے۔تقریب میں ڈائریکٹر سکول ایجوکیشن ڈاکٹر تصدق حسین میرنے کہا کہ جدت طرازی کو فروغ دینے کے لیے طلباء کے ساتھ کھلا رابطہ رکھنا بہت ضروری ہے۔طلباء ، فیکلٹی، اختراع کاروں اور ماہرین تعلیم پر مشتمل ایک ماہر پینل نے اس بات پر بھی غور کیا کہ جموں و کشمیر میں اختراعی ماحول کو کیسے فروغ دیا جا سکتا ہے این آئی ٹی سری نگر سے ڈاکٹر اقرا الطاف، نیتی آیوگ سے سمیہ، موو بیونڈ سے شیخ عنایت اللہ، سماگرا شکشا مہاشٹرا سے منورما آوارے، محمد امین بیگ، سی ای او بانڈی پور اور یونیسیف انڈیا سے دانش عزیز پینل میں شامل تھے۔
