نوجوان عزم اور ولولہ کیساتھ آگے بڑھیں آج کے دور میں کمپیوٹر ٹیکنالوجی کا غلبہ،پائیدار ترقی کیلئے کام کریں: لیفٹیننٹ گورنر

 عظمیٰ نیوز سروس

جموں//لیفٹیننٹ گورنر منوج سنہا نے ہفتہ کو گلشن گرائونڈ میں لداخ، جموں و کشمیر اکنامک گروتھ اینڈ ڈیولپمنٹ ڈائیلاگ کے زیر اہتمام ‘مہوتسو 2023’ سے خطاب کیا۔اپنے خطاب میں، لیفٹیننٹ گورنر نے گروتھ اینڈ ڈیولپمنٹ ڈائیلاگ پہل کے پیشہ ور افراد کی ٹیم کی کوششوں کی تعریف کی جو جموں و کشمیر اور لداخ کے مرکز کے زیر انتظام علاقوں کی پائیدار ترقی کے لیے کام کر رہے ہیں۔جموں کشمیر میں مختلف شعبوں کی ترقی کی صلاحیت کو اجاگر کرتے ہوئے لیفٹیننٹ گورنر نے نوجوان کاروباریوں پر زور دیا کہ وہ نئے مواقع سے فائدہ اٹھائیں اور مقامی کو عالمی سطح پر جانے کے لیے مضبوط کریں۔”آج کے دور میں، جس میں کمپیوٹر ٹیکنالوجی کا غلبہ ہے، کاروباری افراد منفرد مقامی مصنوعات کے فروغ میں کاروبار اور مارکیٹنگ کی مہارت کو اپ گریڈ کر سکتے ہیں۔ایل جی نے نوجوان کاروباریوں سے نئے مواقع سے فائدہ اٹھانے اور مقامی ایشیاء کو عالمی سطح پرمتعارف کرانے کے لیے مضبوط راہ متعین بنانے کی اپیل کی۔ لیفٹیننٹ گورنر نے کہا، وزیر اعظم نریندر مودی کی رہنمائی میں’ وکل فار لوکل‘ پہل جموں و کشمیر کو ترقی کی بلندی پر گامزن کرنے کے لیے متحرک اور صلاحیت سے بھرپور ہے۔لیفٹیننٹ گورنر نے جموں و کشمیر انتظامیہ کے کاروباری اور اسٹارٹ اپ کلچر کو فروغ دینے کے عزم کا اعادہ کیا۔انہوں نے کہا کہ ون ڈسٹرکٹ ون پروڈکٹ اور ڈسٹرکٹ ایکسپورٹ ہب جیسے فلیگ شپ پروگرام کاریگروں، زراعت پر مبنی صنعتوں کو صلاحیت سے فائدہ اٹھانے، بڑھتی ہوئی عالمی مانگ میں ہماری خصوصی مصنوعات کا حصہ بڑھانے اور منفرد دستکاریوں کی برانڈ پوزیشننگ کو مضبوط بنانے کا موقع فراہم کر رہے ہیں۔ انہوں نے کہا کہ دو روزہ مہوتسو کے دوران کاروباریوں کی فعال شرکت کے خواہشمند نوجوانوں کے لیے تحریک کا ذریعہ بنے گی۔انہوں نے سرکاری محکموں، سکواسٹ جموں کی طرف سے لگائے گئے سٹالز کا دورہ کیا۔