نعتیں

پُکاریں گے ہم

دِل میں یادِ نبی ؐکو اُتاریں گے ہم

اپنی قسمت کو ایسے سنواریں گے ہم

وہ مدد کو ہماری بھی آجائیں گے

سچے دل سے جب اُن کو پکاریں گے ہم

غصہ، لالچ، نفس اور تکّبر، دغا

یہ بھی کافر ہیں بس اِن کو ماریں گے ہم

گھر بھی مالِ سعادت سے بھر جائے گا

جب عبادت میں راتیں گُذاریں گے ہم

سوکھے پیڑوں کے پتّے ہرے ہونگے جب

چھینٹے اپنے پسینے کے ماریں گے ہم

دان دے کے مریضوں کو اپنا لہو

چہرہ اسلام کا یوں نِکھاریں گے ہم

باہری کوئی دشمن نہ ہوگا کہ جب

اپنے اندر کے دشمن کو ماریں گے ہم

پنچھیؔ برسے گی اللہ کی رحمت کہ جب

سب کی راہوں کے کانٹے بہا ریں گے ہم

 

سردار پنچھیؔ

جھیٹی نگر، مالیر کوٹلہ روڑ کھنہ پنجاب

موبائل نمبر؛9417091668

 

 

نعت رسولﷺ

تیرے حقدار اے جناں ہم ہیں

عاشقِ شاہِ دو جہاں ہم ہیں

حشر کی دھوپ مار دیتی ہمیں

وہ تو کہئے کہ نعت خواں ہم ہیں

بخشوا دیں تو آپ کا احساں

اس کے لائق شہا کہاں ہم ہیں

آگیا راس ہم کو عشقِ نبی

اے جہاں دیکھ کامراں ہم ہیں

آپ کی چشمِ ملتفت کے بغیر

لمحہ در لمحہ رائیگاں ہم ہیں

آقا مشکل کشائی فر مائیں

خلد و دوزخ کے درمیاں ہم ہیں

عشقِ سبطِ رسول زندہ باد

خلد میں کتنے نوجواں ہم ہیں

اے خدا کر دے اپنی چشمِ کرم

ہجرِ طیبہ میں نیم جاں ہم ہیں

رحم ہو کہ پھرے ہوئے کب سے

تم سے آقائے مہرباں ہم ہیں

 

ذکی طارق بارہ بنکوی

  سعادت گنج،بارہ بنکی،یوپی

 

 

نعت

آپﷺ کے ہونے سے قائم یہ زمین افلاک ہے 

سیدِ خیرالوری ﷺ کی ایسی ذاتِ پاک ہے 

 

نعت گوئی جو کرے اور آپﷺ کا جو نام لے 

 وہ شخص تو دو جہاں میں لازماً بے باک ہے

 

آپﷺ کی آمد سے ہر سُو زوفشانی چھا گئی 

روشنی بس آپﷺ کی اے صاحبِ لولاک ہے

 

اے شفیعِ حشر جب سے لو لگی مجھکو تیری 

تب سے میری زندگی کی ہر گھڑی نمناک ہے

 

 اس جہاں کی عظمتوں کا تزکرہ میں کیا کروں 

 اس جہاں سے بہتریں تو اُن کے در کی خاک ہے

 

آپ کی نسبت سے ہی ہے ہم نے رتبہ پا لیا

ورنہ اپنے دم پہ واللہ سب خس وخاشاک ہے

 

عقیل فاروق 

بنہ بازار شوپیان 

موبائل نمبر؛7006542670