مہور میں فینسی ڈریس مقابلہ

 مہور//مہینہ بھر جاری پوشن ماہ تقریبات کے سلسلہ میں سی ڈی پی او ، آئی سی ڈی ایس پروجیکٹ مہور انجم گنائی کی جانب سے ماونٹنئیر کانونٹ پبلک سکول ،مہور میں فینسی ڈریس کا ایک مقابلہ منعقد کیاگیا۔ اس موقعہ پر سی ڈی پی او ، مہورنے کہا کہ اس سلسلہ میں جاری بیداری مہم کو رفتار دینے کے لئے پوشن ماہ کے دوران بلاک اور آنگن واڑی مرکز میںرسائی کی کاروائیاں انجام دینی ہونگی ،تاکہ ہر گھر میں ’’ہر گھر میں پوشن تہوار‘‘ کا پیغام پہنچ سکے۔انہوں نے کہا کہ پوشن ماہ منعقد کرنے کا مقصد غذائیت کی کمی کے خلاف جنگ چھیڑنا اور حفظان صحت کے طریقہ میں معیاری خوراک کھانے کیلئے بیداری مہم کا انعقاد کرنا ہے۔انہوں نے کہا کہ اگرچہ غذائیت کی کمی کے لئے متعدد سکیمیں ہیں ۔تاہم ، پوشن ماہ اس میں ایک کلیدی رول نبھا سکتا ہے۔فیسنی ڈریس مقابلہ میں بچوں نے بطور پھل اور سبزیوں کے پوشاک میں خوشی خوشی اپنے ٹیلنٹ کو پیش کیا۔اس موقعہ پر مس گنائی نے اپنے خطاب میں کہا کہ بچوں کو پھلوں اور سبزیوں کے پوشاک میں دیکھ کر بہت اچھا لگتا ہے اور کہا کہ اس سے ان کی اندرونی ٹیلنٹ کی جانکاری ملتی ہے۔انہوں نے کہا کہ بچے ملک کا اثاثہ ہیں اور غذائیت کی کمی ملک کے لئے باعث تشویش ہے۔تعلیم ک اذکر کرتے ہوئے انہوں نے کہا کہ ریاست میں خواندگی کی شرح میں قابل ستائش اضافہ ہوا ہے۔تاہم انہوں نے کہا کہ بیداری کے شعبہ میں ابھی بھی ہماری ریاست پیچھے ہے اور ہمیں بیداری پھیلانے کے لئے اپنے وسائل کو بروئے کار لانا ہوگا۔