موسم دوسرے روز بھی خراب رہا

راجوری //خطہ پیر پنچال میں مسلسل دوسرے روز بھی موسم خراب رہاجس کی وجہ سے سردی کی شدت میں اضافہ ہوگیاہے ۔ اس دوران بالائی علاقوں میں برفباری ہوئی جبکہ نچلے علاقے میں بارش کا سلسلہ جاری رہا۔دوسرے روز وقفے وقفے سے بارشیں اور برفباری ہوتی رہی جس کی وجہ سے سردی کی شد ت بڑھ گئی ہے اور لوگ پریشان حال ہیں تاہم اس دوران کسی بھی علاقے سے کسی طرح کے جانی یا مالی نقصان کی اطلاع نہیں ۔کوٹرنکہ کے نصیر احمد، طارق راتھراورمظفر خان کاکہناہے کہ بارش تو ضروت تھی لیکن جس طرح سے آندھی طوفان چل رہاہے اس سے لوگ پریشان حال ہیں اور بجلی سپلائی بھی منقطع ہوگئی ہے ۔انہوںنے کہاکہ کئی علاقوں میں بجلی ہے ہی نہیں جبکہ کچھ علاقوں میں کٹوتی بہت زیادہ کی جارہی ہے ۔ انہوںنے کہاکہ وہ ہر ایک مشکل کو سہہ لیںگے لیکن محکمہ بجلی عذاب بن کر نازل نہ ہو اور سپلائی جاری رکھی جائے ۔