مودی نیتی آیوگ کی گورننگ کونسل سے خطاب کریں گے

نئی دہلی// وزیر اعظم نریندر مودی ہفتہ کو نیتی آیوگ کی گورننگ کونسل کی آٹھویں میٹنگ سے خطاب کریں گے جس کا موضوع ‘ترقی یافتہ ہندوستان – 2047: ٹیم انڈیا کا کردار’ ہے ۔نیتی آیوگ نے جمعرات کو یہاں کہا کہ اس میٹنگ میں آٹھ اہم موضوعات پر تبادلہ خیال کیا جائے گا۔ جس میں ترقی یافتہ ہندوستان- 2047، ایم ایس ایم ای پر زور، بنیادی ڈھانچہ اور سرمایہ کاری، تعمیل میں کمی، خواتین کو بااختیار بنانا، صحت اور غذائیت، ہنر کی ترقی اور سیکٹر کی ترقی اور سماجی بنیادی ڈھانچہ پر تبادلہ خیال کیا جائے گا۔وزیر اعظم کی زیر صدارت ہونے والے اس اجلاس میں وزرائے اعلیٰ شرکت کریں گے ۔ تمام ریاستوں اور مرکز کے زیر انتظام علاقوں کے گورنر، مرکزی وزراء بطور سابق ممبران اور نیتی آیوگ کے وائس چیئرمین اور ممبران بھی موجود ہوں گے ۔