مودی حکومت میں چھایا ہے بجلی،نوکری اورمہنگائی کا بحران:راہل

نئی دہلی//ملک میں جاری بجلی بحران کے درمیان کانگریس کے سابق صدر راہل گاندھی نے وزیراعظم نریندر مودی پ حملہ کرتے ہوئے پیر کو کہا کہ انہوں نے آٹھ سال کے اپنے دور اقتدار کے دوران خراب حکمرانی کوہی فروغ دیا ہے جس کی وجہ سے ملک کا عام آدمی آج طرح طرح کے بحران سے جوجھ رہا ہے مسٹر گاندھی نے کہا کہ مودی حکومت کے دور میں عوام متاثررہی ہے۔ملک کا عام آدمی نہ صرف بجلی کے بے مثال بحران سے دو چار ہے بلکہ ان کے سامنے بے روزگاری، کسانوں کی بدحالی اور مہنگائی چیلنج بن کر کھڑی ہے۔مودی حکومت ان بحرانوں سے نمٹنے میں بے بس ثابت ہو رہی ہے۔مسٹر گاندھی نے فیس بک اور ٹویٹر پوسٹ میں کہا،بجلی کا بحران ،نوکریوں کا بحران ،کسان بحران،افراط زر کا بحران۔وزیراعظم مودی کے آٹھ سال کی خراب حکومت کی یہ ایک کیس اسٹڈی ہے کہ ایک وقت دنیا کی سب سے تیز ی سے بڑھتی معیشتوں میں سے ایک رہی ہماری معیشت کو کیسے برباد کیا۔(یو این آئی)