نیوز ڈیسک
لکھنو/ ملک کے ممتاز شاعر منور رانا کی حالت نازک ہوگئی ہے۔ لکھنو میں ڈاکٹروں نے مشہور شاعر منور رانا کے لیے آئندہ 72 گھنٹے اہم قرار دے دیے ہیں۔ شاعر منور رانا کی طبیعت اچانک بگڑ گئی ہے، اور انھیں آئی سی یو میں داخل کیا گیا ہے۔
Related
مودی کی بھارت کو عالمی طاقت بنانے کی پہل
صاحب زادی سمیہ رانا نے ایک ویڈیو پیغام میں اطلاع دی کہ لکھنؤ کے اپالو اسپتال میں زیر علاج منور رانا کی حالت کے بارے میں ڈاکٹروں نے آئندہ 72 گھنٹوں کو اہم قرار دیا ہے، انھیں وینٹی لیٹر کی سپورٹ پر رکھا گیا ہے۔سمیہ رانا نے کہا کہ ان کے والد کی طبیعت کافی دنوں سے خراب چل رہی ہے لیکن اب حالت زیادہ بگڑنے پر انھیں اسپتال میں داخل کرایا گیا ہے، انھوں نے لوگوں سے والد کی جلد صحت یابی کے لیے دعا کرنے کی درخواست کی۔ یاد رہے کہ ایک سال قبل بھی منور رانا کی طبیعت خراب ہو گئی تھی اور انھیں علاج کے لیے لکھنو کے پی جی آئی میں داخل کرانا پڑا تھا، منور رانا گردے کی تکلیف کے باعث ڈائیلاسز پر تھے۔
