نیوز ڈیسک
نئی دہلی// نیشنل کانفرنس ڈاکٹر فاروق عبداللہ نے لوک سبھا میں مسابقتی امتحان کے اُمیدواروں کے معاملات اُجاگر کئے۔ ڈاکٹر عبداللہ نے کہا کہ پی ایس سی نے پہلے مسابقتی امتحانات کو ملتوی کردیا تھا اور اب امتحان کے شیڈول کا اعلان کیا ہے لیکن اس میں طلباء کو صرف6دن کا وقت دیا گیا ہے جو بہت کم ہے۔ قوائد و ضوابط کے تحت نوٹس کی اجرائی سے امتحان تک 30دن کا وقت دیا جانا چاہئے ۔ انہوں نے حکومت پر زور دیا کہ اُمیدواروں کو امتحان کی تیاری کیلئے معقول وقت دیا جائے۔ اس کے علاوہ ڈاکٹر فاروق نے کہا کہ مسابقتی میں امتحانات جموں و کشمیر اور ملک کی دیگر ریاستوں کے درمیان تفاوت ہے، جس سے نوجوانوں کو بہت نقصان پہنچ رہا ہے۔ انہوں نے کہا کہ یو پی ایس سی اور مسابقتی امتحانات میں عمر کی حد کی تفاقت کو دور کیا جائے۔انہوں نے مزید کہا کہ نگین جھیل میں7ہائوس بوٹ آگ کی ہولناک واردات میں خاکستر ہوئے۔ مذکورہ ہائوس بوٹ مالکان کو بہت زیادہ نقصان پہنچا ہے، میں مرکزی وزیر سیاحت سے اپیل کرتا ہوں کہ وہ معاملے کا نوٹس لیں اور ان کی راحت کاری کیلئے اقدامات اُٹھائے اور ساتھ ہی جموں وکشمیر حکومت مذکورہ آتشزدگان کو لڑکی فراہم کریں تاکہ وہ جلد از جلد اپنے ہائوس بوٹ پھر سے تعمیر کرسکیں۔
