مزید خبرں

 

حسین محتشم

پونچھ//سرحدی ضلع پونچھ میں بارش اورژالہ باری سے گرمی کا زور ٹوٹ گیا اور موسم خوشگوار ہوگیا۔جمعہ کے روز تیزہواوں کے ساتھ بارش ہوئی اور اس کے ساتھ ژالہ باری بھی ہوتی رہی جس کی وجہ سے موسم خوشگوار ہوگیا اور گرمی سے پریشان شہریوں نے بارش اور ژالہ باری کے بعد سکھ کا سانس لیا۔پونچھ قصبہ میں شام ڈھلے گرج چمک کے ساتھ بارش ہوئی۔ بارش نے حبس کا زور توڑ ڈالا،جبکہ شہر اور گردونواح میں بھی تیز آندھی اور گرج چمک کے ساتھ بارش ہوئی، گرمی سے مرجھائے چہرے کھل اٹھے۔تحصیل منڈی اور گردو نواح میں بھی بادل جم کر برسے، موسم نے کروٹ لی اور تیزبارش کے ساتھ ژ الہ باری بھی ہوئی، جس سے گرمی کی شدت میں کمی آئی اور موسم نہایت خوشگوار ہوگیا۔سرنکوٹ اور مینڈھر میں بھی بارش اور ژالہ باری نے موسم خوشگوار کر دیا۔اس دوران کچھ مقامات پر موٹے موٹے آولوں کی وجہ سے گاڑیوں کے شیشے ٹوٹنے اور دیگر جزوی نقصان ہونے کی بھی اطلاع ہے۔ کچھ شہریوں نے عظمیٰ کو بتایاکہ شدید گرمی کی وجہ سے وہ پریشان ہو گئے تھے خدا ۔کا شکر ہے کہ بارش ہوئی  موسم میں تھوڑی تبدیلی آئی ہے۔   

 

   

 

حسین محتشم

پونچھ// ضلع پونچھ کے لوگ 2013 سے 132 کے وی ٹرانسمیشن سے محروم ہیں جبکہ کئی مرتبہ اس سلسلہ میں عوام کی جانب سے احتجاجی مظاہرے کر کے اس کو بحال کرنے کا مطالبہ بھی کیا گیا لیکن تا حال یہ لائین بحال نہ ہو پائی۔ اس حوالے۔سے بات کرتے ہوئے ایڈوکیٹ بھانو پرتاپ ، جنرل سیکریٹری بار ایسوسی ایشن پونچھ اور چیئرمین اوئر آل فاؤنڈیشن نے لیفٹیننٹ گورنر جموں کشمیر سے اپیل کہ اب کسی بھی تاخیر کے 132 کے وی ٹرانسمیشن بحال کی جائے۔انہوں نے کہا کہ پچھلے 7 سالوں سے صرف وعدے کئے گئے ہیں لیکن ٹرانسمیشن کی بحالی ابھی تک نہ ہوئی ہے۔ انہوں نے کہا ضلع پونچھ کے 132 کے وی ٹرانسمیشن کی عدم موجودگی کی وجہ سے بار بار بجلی کی غیر متوقع کٹوتی کے سبب لوگ پریشانی کا شکار ہیں۔انہوں نے کہا کہ بجلی پر منحصر کاروبار اور صنعت بری طرح متاثر ہورہی ہے۔ انہوں نے مزید کہا کہ کلانی میں موجودہ ہائیڈرو پروجیکٹ کا کوئی آل اوئیر فاؤنڈیشن ضلع پونچھ میں 132 کے وی ٹرانسمیشن کی بحالی کے حق میں دستخطی مہم کا آغاز کرے گی اور اس سلسلے میں تمام سماجی کارکنوں کو متحد ہونے کی اپیل ہے۔جموں کشمیر عوامی مومنٹ کی جانب سے بھی ایک احتجاجی مظاہرہ کیا گیا جہاں پارٹی کے جوان لیڈرو ں اپنے ہاتھوں میں بینر اٹھا کر 132کے وی ٹرانسمیشن لائین بحال کرنے کا مطالبہ کیا۔

 

  

 

 

پونچھ//ماسٹراحسام الدین بیتاب کے انتقال پر پونچھ کے سیاسی وسماجی کارکنان نے اظہار تعزیت کیا ہے۔ عبدلرشید شاہپوروی نے گہرے رنج و غم کا اظہار کرتے ہوئے کہا کہ مرحوم ایک خوش اخلاق، نیک سیرت، سخی دل تھے ۔انھوں نے کہا کہ ہم ایک تاریخ ساز شخصیت سے محروم ہوگئے ہیں جس کی کمی تاحیات پوری ہونا ناممکن ہے۔ انہوں نے کہا مرحوم دینی تعلیم دْنیاوی تعلیم اور روحانی علم کے بادشاہ مانے جاتے تھے جس نے آپ سے ایک بار ملاقات کی اْس کو بار بار ملنے کو دل چاہتاتھا۔انہوں نے  کہا کہ وہ دعا گو ہیں کہ اللہ مرحوم کی مغفرت کرے، جنت الفردوس میں اعلی سے اعلیٰ مقام عطا فرمائے اور لواحقین کو صبرِجمیل عطا فرمائے۔مرحوم کے انتقال پرسیاسی وسماجی کارکن جعفر سہیم جعفری،فوجی محمد رشید،جمالدین لوہار اْو بی سی صدر، انصاف مومنٹ کے صدر جاویداقبال ریشی،اْو بی سی سکریڑی محمد اقبال کھانڈے،اسحاق خان،سراج دین سابقہ سرپنچ کنوئیاں،غلام حسین چیچی،ایڈوکیٹ محمد آمین بھٹی،سرپنچ محمد سلیم کھاری بنوت، شمیم احمد قریشی،محمد ریاض قریشی محمد فاروق حجام نے تعزیت کا اظہارکیا ہے۔