عظمیٰ نیوزسروس
کشتواڑ//ضلع الیکشن افسر کشتواڑ راجیش کمار شاون نے ماڈل ضابطہ اخلاق کی خلاف ورزی کے قصوروار پائے جانے والے ایک سرکاری ملازم اور لمبردار کے خلاف سخت کارروائی کی ہے۔ لمبردار، وکرم سنگھ ساکن پنجدھرا، لوہارنا اور عادل ارشاد، گراؤنڈز مین، زی ای پی او آفس پدر کو ابتدائی تفتیش کے بعد ماڈل کوڈ آف کنڈکٹ کے رہنما خطوط کی خلاف ورزی کرنے والی سرگرمیوں میں ملوث پایا گیا۔نتیجے کے طور پر، معاملے کی مزید تفتیش کے لیے، دونوں کو فوری طور پر معطل کر دیا گیا ہے۔تحصیلدار دچھن کو ہدایت دی گئی ہے کہ وہ وکرم سنگھ کے معاملے کی محتاط انکوائری کریں اور ڈی وائی ایس ایس او کشتواڑ کو ہدایت دی گئی ہے کہ وہ عادل ارشاد کے معاملے کی انکوائری کریں اور ڈی ای اے دفترکو سات دنوںمیں رپورٹ پیش کریں۔مزید برآں، تحصیلدار کو ہدایت کی گئی ہے کہ وہ اس بات کو یقینی بنائیں کہ معطل لمبردار انتخابی عمل کی تکمیل تک متعلقہ علاقے کا دورہ کرنے سے گریز کریں، جبکہ عادل ارشاد معطلی کی مدت کے دوران زیڈ ای اودراب شالہ کے دفتر سے منسلک رہے گا۔
