قربانیاں قابل فخر:حزب /لشکر

سرینگر//حزب المجاہدین اور لشکر طیبہ نے حافظ محمد عاقب بٹ المعروف عاقب مولوی اور سیف اللہ المعروف اُسامہ کو خراج عقیدت ادا کرتے ہوئے کہا کہ ان دونوں جوانوں نے اپنے لہو سے ایک ایسی تاریخ رقم کی ،جس پر آزادی کے متوالے ہمیشہ فخر محسوس کرتے رہیں گے۔ موصولہ بیان کے مطابق حزب سربراہ اور متحدہ جہاد کو نسل کے چیئر مین سید صلاح الدین نے حزب کمانڈ کو نسل اور جنرل کونسل کے ایک مشتر کہ اجلاس سے خطاب کرتے ہوئے کہا کہ یہ دونوںجوان حزب المجاہدین جموں و کشمیر کے وہ روشن ستارے ہیں ،جو ہمیشہ جگمگاتے رہیں گے اور تحریک آزادی کے پروانوں کی ہر دور میں رہنمائی کرتے رہیں گے۔انہوں نے کشمیری عوام کا با لعموم اور ترال اور اس کے ملحقہ علاقوں کے عوام کی سراہنا کرتے ہوئے کہا کہ بھارتی فوجی سربراہ کے حالیہ دھمکی آمیز بیان کے با وجود نہتے عوام کا جنگجوئوں کی سلا متی کیلئے اپنے آپ کو داؤ پر لگاناثابت کرتا ہے کہ پوری کشمیری قوم اسلام اور آزادیٔ کشمیر کیلئے ایک صف میں کھڑی ہے اور اس معاملے میں وہ کوئی بھی قربانی دینے سے دریغ نہیں کر رہی ہے۔انہوں نے کہا کہ بھارتی قیادت جتنی دیر نوشتہ دیوار پڑھنے میں لگائے گی ،اُتنا ہی وہ نقصان میں رہے گی۔بیان کے مطابق اجلاس سے حزب نا ئب امیر سیف اللہ خالد اور مولاناتاج علی شاہ نے بھی خطاب کیا ۔اس دوران لشکر طیبہ چیف محمودشاہ نے خراج عقیدت پیش کرتے ہوئے کہاہے کہ آج عوام اور عسکریت پسند ایک ساتھ آزادی کی جنگ لڑرہے ہیں ۔ترجمان ڈاکٹرعبداللہ غزنوی کی طرف سے موصولہ بیان میںمحمود شاہ نے کہا ہے کہ جب میدانوںمیں مائیںبرسرپیکارہوجائیں تو پھرظلم کو ختم ہوناہی ہوتاہے ۔انہوں نے کہا کہ آج کشمیر کی مائیں فورسز کے خلاف میدان میں کھڑی ہیں ۔انہوںنے مزید کہا’’ترال کے لوگوں کو خراج تحسین پیش کرنے کیلئے میرے پاس الفاظ ہی نہیں ہیںاور خاص کر مولوی عاقب کی والدہ کو ،جس جذبے اور دلیری سے وہ دودن سے نہتے ہوکر بھی مسلح فوج کامقابلہ کررہی ہیں‘‘۔