فوجی اہلکار کا اغوا،فوج و پولیس نے افواہ قرار دیا

 سرینگر//فوج اور پولیس نے وسطی ضلع بڈگام میں ایک فوجی اہلکار کی اغوا کاری کی خبروں کو مسترد کرتے ہوئے کہا کہ فوجی جوان محفوظ ہے۔سی این ایس کے مطابق جمعہ کے روز سوشل میڈیا میں یہ خبریں مشتہر ہوئی تھیں کہ وسطی ضلع بڈگام کے قاضی پورہ چاڈورہ کا رہنے والا محمد یاسین نامی ایک فوجی اہلکارجو جموں کشمیر لائٹ انفینٹری رجمنٹ سے وابستہ ہے کو اغوا کیا گیا ہے۔ فوج کے ترجمان نے تفصیلات فراہم کرتے ہوئے کہا کہ قاضی پورہ چاڈورہ کا رہنے والا فوجی اہلکار، جو چھٹیوں پر ہے، کی اغوا کاری کی میڈیا رپورٹس غلط ہیں، وہ بالکل محفوظ ہے اور اس سلسلے میں افوابازیوں کو نظر انداز کیا جائے۔دریں اثنا ایس ایس پی بڈگام این اے اشوک نے کہا کہ رائفل مین یاسین بٹ اپنے یونٹ بہ صحیح سلامت ہے۔انہوں نے میڈیا سے قیاس آرائی کرنے سے گریز کرنے کی اپیل کی۔
ڈی سی کشتواڑ کے ذاتی محافظ سے اسلحہ چھیننے کا معاملہ