فرانس : لاک ڈاؤن میں سختی | مشتعل لوگوں اور پولیس کے مابین جھڑپیں

پیرس// فرانس کے دارالحکومت پیرس میں کوروناوائرس کے باعث لاک ڈاؤن میں مقامی پولیس کی جانب سے ایک شخص پر سختی کی گئی جس کے نتیجے میں مقامی لوگ مشتعل ہوگئے اور پولیس پر حملہ کردیا۔فرانسیسی پولیس کی جانب سے شہریوں پر لاک ڈائون کے دوران سختی کی جارہی ہے جس سے شہریوں اور پولیس کے درمیان تصادم کے واقعات رونما ہورہے ہیں۔ پیرس میں مقامی پولیس کی جانب سے لاک ڈاؤن کے دوران موٹرسائیکل سوارسے نازیبا سلوک کیاجس پر مقامی رہائشی مشتعل ہوگئے اور پولیس پر حملہ کردیا۔مشتعل شہریوں نے پولیس پر آتشی مواد سے حملہ کیا اور 15 گاڑیوں کو بھی جلا دیا جبکہ پولیس کی جانب سے جوابی حملے میں ربڑ کی گولیاں اور آنسو گیس کا استعمال کیا گیا۔