عرس زیندار ولی ؒ سوموار کو

 سرینگر// سالانہ عرس مبارک حضرت خواجہ زین الدین علی دارؒ ولی کامل 9جولائی سوموار نہایت عقیدت اور احترام سے منایا جارہا ہے۔ اِس سلسلے میں اُن کے آستان عالیہ واقع زیندار صاحب (حبہ کدل) میں سوموار بعد نماز ظہر کے بعد ختمات المعظمات اور درود ازکار کی مجلس منعقد ہوگی جبکہ منگلوار حسب قدیم صبح 9بجے مجلس مولود النبیﷺ کی روح پرور مجلس آراستہ ہوگی۔ عرس کے دوران بقعہ عالیہ میں موجود باسند اور بابرکت تبروکات کی نشاندہی بھی کی جائیگی۔ عرس کی تقریب پر امام و خطیب عالم دین سید محمد رضاء حضرت زین الدین علی دار ولی کامل کے اسلامی خدمات ، روحانی اور عملی کمالات پر بھی روشنی ڈالیں گے ۔انتظامیہ کمیٹی نے ضلع انتظامیہ سے تمام سہولیات میسر رکھنے کی اپیل کی ہے۔