ضلع انتظامیہ کشتواڑ کا اجلاس

کشتواڑ//ضلع ترقیاتی کمشنر کشتواڑ انگریز سنگھ رانا ،جو کہ ڈسٹرکٹ پرائیویٹ نیگوسیشن کمیٹی کے چیئر مین بھی ہیں، کی قیادت میں زمین حصولیابی کیسوںکےلئے ریٹ مقرر کرنے کے لئے ایک اجلاس کا انعقاد ہوا۔ اجلاس میں زمین حصولیابی کے کلکٹروں (ایڈیشنل ڈپٹی کمشنروں ) ،اسسٹنٹ کمشنر ریوینیو اور سب۔ ڈویژنل مجسٹریٹ چھاترو،آفیسر کمانڈنگ گریف اور متعلقہ محکموں کے سربراہوں کے علاوہ زمین مالکان نے بھی شرکت کی۔اجلاس میں موقعہ پر ہی زمین معاوضہ کے10معاملے حل کئے گئے۔اجلاس کے وران زمین مالکان کو مختلف ترقیاتی پروجیکٹوں کے لئے زمین کی حصولیابی کے لئے انتظامیہ سے تعاوں کرنے کے لئے راغب کیا گیا ۔دریں اثنا ،اجلاس میں کشتواڑ۔پاڈر روڈ کے مدعے پر تفصیلی غور و خوض کیا گیا ،جس کی وجہ سے پروجیکٹ کی تکمیل میں 2011سے رکاوٹ بنی ہوئی ہے۔ اس معاملہ کو افہام و تفہیم سے حل کیا گیا ۔