شاہد ٹاک
شوپیان// شوپیان ضلع سے تعلق رکھنے والے ایک 25 سالہ نوجوان کی لاش اتوار کو رام بن ضلع کے بانہال علاقے میں پائی گئی۔ پولیس نے بتایا کہ عاصف رمضان ولد محمد رمضان ساکن چترگام زینہ پورہ کی لاش اتوار کو بانہال میں ایک ریلوے پل کے پاس پڑی ہوئی ملی۔ اس کے چچا محمد یوسف ڈار نے پولیس تھانہ زینہ پورہ کو بتایا کہ اسے سوشل میڈیا کے ذریعے اپنے بھتیجے کے بارے میں معلوم ہوا۔ڈار کے مطابق، عاصف گزشتہ جمعہ کو اپنی شادی کی خریداری کے لیے گیا تھا جو 16 مئی کو طے تھی۔ “رابطہ کرنے پر، بانہال میں پولیس نے علاقے سے لاش کی برآمدگی کی تصدیق کی”۔
