شمناگ کے معروف دانشور اورمذہبی شخصیت فوت

کپوارہ//ترہگام کے شمناگ علاقہ سے تعلق رکھنے والے معروف دانشور اورمذہبی شخصیت غلام احمد میر پیر کو مختصر علالت کے بعد انتقال کرگئے۔غلام احمد میر نے محکمہ تعلیم میں 40سال تک اپنی خدمات انجام دیں۔ان کا شمار ضلع میں ایک معروف ماہر ین تعلیم میں کیا جاتا تھا۔موصوف نے مذہبی اور سماجی سطح پر بھی گرانقدر خدمات انجام دی ہیں اور یہی وجہ ہے کہ اُن کی رحلت کی خبر سن کر ہی پورا علاقہ سوگوار ہوگیا۔لاک ڈائون کے نتیجے میں اگرچہ اُن کے عقیدتمند اورشاگرد تجہیز وتدفین میں شامل نہیں ہوسکے تاہم کئی مذہبی ،سماجی اورادبی تنظیمو ں نے اپنے رنج و غم کا اظہار کرتے ہوئے مرحوم کو خراج عقیدت پیش کیا اور لواحقین سے ہمدردی کا اظہار کیا ۔