شمالی کمان کے سربراہ کا دورہ وادی

سرینگر// شمالی فوج کے کمانڈر، لیفٹیننٹ جنرل اوپیندر دویدی 10 مارچ سے 12 مارچ  تک وادی کشمیر کے تین روزہ دورے پر ہیں۔ انہوں نے وادی میں سیکورٹی کے مجموعی منظر نامے کا جائزہ لینے کے لیے راشٹریہ رائفلزکے کیمپوں کے علاقوں کا دورہ کیا۔ آرمی کمانڈر نے انسداد دہشت گردی آپریشنز کرنے والی راشٹریہ رائفلز یونٹ کا بھی دورہ کیا۔ انہوں نے آپریشنز میں حالیہ کامیابیوں کو سراہا جہاں فوجیوں نے پاکستانی ملی ٹینٹوں سمیت کچھ سخت گیرعسکریت پسندوںکو ہلاک کیا جس میں کم سے کم نقصان ہوا اور کسی شہری کی جاننہیں گئی۔ انہوں نے انسداد دہشت گردی کی کارروائیوں میں شامل فوجیوں کی طرف سے کم سے کم طاقت کے استعمال اور منصفانہ طرز عمل کا اعادہ کیا۔ انہوں نے کشمیر میں پائیدار امن اور استحکام کے لیے تشدد کے چکر کو توڑنے کی کوششوں کو سراہا۔جمعہ 11 مارچ 22 کو، آرمی کمانڈر کو چنار کور ہیڈکوارٹر میں لیفٹیننٹ جنرل ڈی پی پانڈے، جی او سی چنار کور نے موجودہ سیکورٹی صورتحال اور مخالفین کے ڈیزائن کا مقابلہ کرنے کے لیے کیے گئے اقدامات کے بارے میں بریفنگ دی۔ انہوں نے چنار کور کے سینئر افسران سے بات چیت کی۔ انہوں نے لائن آف کنٹرول کے ساتھ مضبوط انسداد دراندازی گرڈ کی تعریف کی۔ اندرونی علاقوں کے لیے، آرمی کمانڈر نے چنار کور کو کارروائیوں کے انعقاد پر شاباش دی۔ انہوں نے بہترین سولجر سٹیزن کنیکٹ سرگرمیوں کی تعریف کی جس کے نتیجے میںملی ٹینٹوں کی بھرتیوں میں مجموعی طور پر کمی آئی ہے۔ آرمی کمانڈر نے چنار کور کی تعلیم، کھیل، ثقافت اور ہنر مندی کے شعبوں میں شہریوں کے ساتھ کی جانے والی مختلف سرگرمیوں کو بھی سراہا۔