شرم و حیا اسلامی اخلاق کا تاج:امام حرم

سری نگر//مسجد الحرام کے امام و خطیب نے’ شرم و حیا کو اسلامی اخلاق کا تاج “قراردیتے ہوئے یہ واضح کیاہے کہ مردوزن کا ایک دوسرے کی مماثلت اور مشابہت کرنا جائزنہیں ۔ مسجد الحرام کے امام و خطیب شیخ ڈاکٹر ماہر المعیقلی نے واضح کیا ہے کہ شرم و حیا اسلامی اخلاق کا تاج ہے۔ مرد خواتین سے اور خواتین مرد سے مشابہت اختیار نہ کریں۔خبررساں ایجنسی یواین آئی کی ایک نیوزرپورٹ کے مطابق مسجد الحرام کے امام و خطیب نے مردوزن کا ایک دوسرے کی مماثلت اور مشابہت کرنا بڑی برائی ہے۔ ایک بیان میں امام ِحرم نے کہا کہ رسول کریم صلی اللہ علیہ وسلم کی بعثت مبارکہ کا اہم مقصد اعلیٰ اخلاق کی تبلیغ تھا۔انہوں نے کہاکہ ایمان او رحسن اخلاق کا باہمی رشتہ چولی دامن والا ہے۔مسجد الحرام کے امام و خطیب نے کہاکہ اخلاق عالیہ کی بدولت انسان کی پاکیزہ پہچان مکمل ہوتی ہے۔شیخ ڈاکٹر ماہر المعیقلی نے واضح کیاکہ اخلاق سے اعمال نامہ بھاری ہوتا ہے۔انہوں نے کہاکہ حیا اور ایمان کا ایک دوسرے سے اٹوٹ رشتہ ہے۔شیخ ڈاکٹر ماہر المعیقلی نے کہاکہ حیا ءانبیا ءاور پیغمبروں کا خاصا ہے۔انہوں نے کہاکہ صحابہ کرام رضی اللہ تعالیٰ عنہم اور تابعین رحمتہ اللہ علیہم نبیوں کے راستے پر گامزن رہے۔مسجد الحرام کے امام و خطیب کے بقول رسول کریم صلی اللہ علیہ وسلم کا ارشاد ہے کہ حضرت موسیٰ علیہ السلام حیا دار تھے۔ امام حرم نے بتایا کہ حیا رب کی صفت ہے۔ انہوں نے کہا کہ ہر مسلمان اللہ سے حیا کرے۔ حیا یہ ہے کہ بندہ احکام ربی کی تعمیل میںتساہل سے کام نہ لے۔ نعمتوں پر ہمیشہ شکر گزار رہے۔ رب کے منع کردہ امور سے کوسوں دور رہے۔