شراب کی 40بوتلوں کیساتھ 1گرفتار

راجوری //راجوری پولیس نے ایک کارروائی کے دوران اسمگل کی جارہی شراب کی 40بوتلیں ضبط کرتے ہوئے ایک شخص کو گرفتار کرلیا ۔پولیس ذرائع کے مطابق پولیس پوسٹ راجوری کی جانب سے ایک کارروائی کے دوران بس اسٹینڈ کے نزدیک ایک ٹاٹا سو مو گاڑی زیر نمبرJK08A-9167 کو روک کر تلاشی لی جس کے دوران گاڑی سے شراب کی 40بوتلیں ضبط کرلی گئی ۔پولیس نے اس دوران مذکورہ گاڑی کے ڈرائیور محمد ایوب ولد محمد صدیق سکنہ راجدانی منجا کوٹ کو گرفتار کر لیا ۔پولیس نے ٹاٹا سومو گاڑیوں کو ضبط کرتے ہوئے پولیس اسٹیشن راجوری میں ایک مقدمہ درج کرتے ہوئے مزید تحقیقات شروع کر دی ہیں ۔