سیاحتی مقامات پر مہم جو لوازمات بہم رکھے جائیں

سری نگر//لیفٹیننٹ گورنر کے مشیر بصیر احمد خان نے  ایک میٹنگ کی صدارت کرتے ہوئے جموںوکشمیر ٹوراِزم ڈیولپمنٹ اَتھارٹیوں کے کام کا جائزہ لیا۔میٹنگ میں سیکرٹری سیاحت سرمد حفیظ ، ناظم سیاحت محکمہ کشمیر ڈاکٹر جی این اِیتو، منیجنگ ڈائریکٹر جے کے ٹی ڈی سی نثار احمد وانی ، تمام ٹوراِزم ڈیولپمنٹ اَتھارٹیوں کے سی ای او ز اور جنرل منیجر کیبل کار کارپوریشن نے شرکت کی جبکہ جموں سے متعلقہ اَفسران نے بذریعہ ویڈیو کانفرنسنگ میٹنگ میں حصہ لیا۔دورانِ میٹنگ مشیر موصوف نے سی ای اوز کواَپنے اَپنے علاقوں میں سیاحوں کی بہتر خدمات کے لئے ہدایات دیں۔۔ اُنہوں نے کہا کہ سی ای اوز کو نئی سیاحتی مقامات کی کھوج  اور خدمات کو بہتر بنانے کے لئے اقدامات اُٹھانے کی ضرورت ہے۔مشیر موصوف نے اَفسران سے سیاحتی مقامات پر نامزد مقامات پر شکایات خانہ لگانے کی بھی ہدایت دی۔اُنہوں نے کہا کہ سیاحتی مقامات پر عوام کی اِفادیت ورکنگ آرڈر میں ہونی چاہیئے ،گاربیج ڈسپوزل اور سوریج ٹریٹمنٹ کے لئے صاف ستھرا اور مناسب طریقہ کار ہونا چاہیئے۔اُنہوں نے کہا کہ سیاحتی شعبے کو کووِڈ ویکسی نیشن کے لئے ترجیحی شعبہ کے طور پر نامزد کیا گیا ہے اور سیکرٹری ٹوراِزم کے ذریعے بتایا گیا کہ سفر ی تجارت سے وابستہ 85 فیصد اَفراد کو کووِڈ حفاظتی ٹیکے لگائے گئے ہیں ۔ اُنہوں نے زور دے کر کہا کہ ویکسینوں کی کوئی کمی نہیں ہے ۔مشیرموصوف نے اَفسران سے کہا کہ وہ اِس بات کو یقینی بنائیں کہ تجارت سے وابستہ صدفیصد لوگوںکو زیاد ہ سے زیادہ حفاظت کے لئے کووِڈ ٹیکے لگائے جائیں۔اُنہوں نے کہا کہ اَفسران کو کووِڈ کے اِقدامات کو احتیاطی تدابیر سے یقینی بنانے میں سرگرم عمل رہنا چاہیئے۔مشیر موصوف نے کہا کہ ڈیولپمنٹ اَتھارٹیوں کو سیاحتی مقامات کی باقاعدہ ترقی اور نئی منزلوںکی کھوج کرنا تھا۔اُنہوں نے کہا کہ سی ای او ڈیولپمنٹ اَتھارٹیوں کے متعلقہ ماسٹر پلانز کے نگہبان ہیں اور انہیں ہر لحاظ سے چوکس رہنا چاہیئے ۔اُنہوں نے ہدایت دی کہ وہ دائرہ اختیار کے علاقوں میں ہونے والی کسی بھی خلاف ورزی کا سختی سے جائزہ لیں۔اُنہوں نے چیف ایگزیکٹیو آفیسر کو ہدایت دی کہ وہ اَپنے بنیادی ڈھانچے کی انوینٹریوں کو برقرار رکھیں اور ہر ایک پیر امیٹر کو خامیوں کا تعین کرتے ہوئے ایک تصوراتی لائحہ عمل تیار کریں تاکہ سیاحتی مقامات کی بہتری کے لئے پہلوئوں کو بہتر بنانے کے لئے ایک روڈ میپ کا باقاعدہ اور اختیار کیا جائے۔ انہوں نے دونوں صوبوں کے سی ای اوز کو ہدایت دی کہ وہ اپنے متعلقہ حکام کی دیگر چیزوں میں انفراسٹرکچر ، سیاحتی صلاحیت ، قلیل اور طویل مدتی منصوبوں ، رہائش ، رابطے ، صفائی جیسے تمام تفصیلات کو ایک ہفتہ کے اندر پیش کریں۔ انہوں نے دونوںناظمین سیاحت کشمیر/جموں کو ہدایت دی کہ وہ معلومات کو مرتب کریں اور دس دن کے اندر انتظامیہ کے محکمہ کو بھیج دیں۔مشیر نے چیف ایگزیکٹیو اَفسروں سے مہم جو سیاحت پر توجہ دینے اور مہم جو سیاحت میں دلچسپی رکھنے والے سیاحوں کی خدمات حاصل کرنے کے لئے سیاحتی مقامات پر ایڈونچر لوازمات دستیاب رکھنے کے لئے بھی کہا۔مشیر نے حکام سے کہا کہ وہ مربوط انداز میں کام کریں اور پی ایم ڈی پی اور دیگر مرکزی معاونت والی   منصوبوں کے تحت جاری کاموں میں تیزی لائیں تاکہ وہ مقررہ مدت میں مکمل ہوں۔