یو این آئی
سرینگر/ایڈیشنل ڈائریکٹر جنرل آ ف پولیس (لا اینڈ آرڈر) وجے کمار کی سربراہی میں جمعرات کے روز ایک اعلیٰ سطحی میٹنگ منعقد ہوئی جس دوران کشمیر کی موجودہ صورتحال پر تبادلہ خیال کیا گیا۔اے ڈی جی پی نے آفیسران کو ہدایت دی کہ وہ سماج دشمن عناصر کے منصوبوں کو ناکام بنانے کی خاطر پیشگی اقدامات کریں۔پولیس ترجمان نے بتایا کہ میٹنگ میں شریک آفیسران نے پچھلے دو دنوں کے دوران کشمیر میں پیش آنے والے واقعات کے بارے میں بریفنگ دی۔ وجے کمار نے آفیسران کو ہدایت دی کہ کسی کو بھی موجودہ صورتحال سے فائدہ اٹھانے کی اجازت نہیں دی جانی چاہئے۔اے ڈی جی پی نے صورتحال پر مکمل کنٹرول رکھنے کے بھی احکامات صادر کئے۔انہوں نے امن و قانون کو برقرار رکھنے کی اہمیت پر زور دیتے کہاکہ انٹیلی جنس ایجنسیاں صورتحال پر گہری نظر رکھیں اور ایسے افراد کی نشاندہی کرئے جو پر امن حالات کو درہم برہم کرنے پر تلے ہوئے ہیں۔
