سشما چوہا ن نے سانبہ ضلع کی ترقیاتی سرگرمیوں کا جائزہ لیا

 

 عاصف بٹ

کشتواڑ//رواں ماہ کی پانچ و چھ تاریخ کو خطہ چناب میں ہوئی بارشوں و برفباری کے سبب اندروال و علاقہ بونجواہ کے متعدد علاقوں میں بجلی سپلائی ناکارہ ہوچکی ہے جسکے سبب عوام کو سخت مشکلات کا سامنا کرنا پڑرہا ہے۔محکمہ کا یہ معمول بن چکا ہے کہ موسم خراب ہوتے ہی بجلی غایب ہوجاتی ہے اور کئی روز بعد اسے عارضی طور کچھ گھنٹوں کیلئے بحال کیا جاتا ہے جس سے طلبہ و تاجروں کو سخت مشکلات کا سامنا کرنا پڑتا ہے اور انکی پڑھائی و کام کاج میں مشکلات آتی ہیں۔ علاقہ بونجواہ کے سماجی کارکن شفقت شیخ  نے بتایا کہ علاقہ بونجواہ کی 30ہزارآبادی کو بجلی کی عدم دستیابی کے سبب مشکلات کا سامنا کرنا پڑرہا ہے۔انھوں نے کہا کہ معمولی بارشوں کا سلسلہ شروع ہوتے ہی بجلی غایب ہوجاتی اور اس پھر اسکا دیدار موسم صاف ہونے کے بعد ہی ہوتا ہے۔بونجواہ کے کئی علاقے جن میں پتنازی ،بنون ، چکرون، نالی، جرواڈ جوالہ پور شامل ہیں ،میں بجلی سپلائی موسم خراب ہونے کے ساتھ ہی بند ہوجاتی ہے ۔اگرچہ محکمہ ہر ماہ لوگوں کے گھروں میں بجلی کے بل تقسیم کرتا ہے اور لوگوں سے موٹی رقم بھی اسکے عوض وصول کرتا ہے لیکن عوام کو معقول بجلی فراہم نہیں کرتا ہے جسکے سبب علاقہ کی عوام بجلی سے پریشان ہوچکی ہے۔وہیں علاقہ میں ابھی تک بجلی کے کھمبے نصب نہیں کیے گئے ہیں جبکہ بیشتر جگہوں پر ترسیلی لاینیں درختوں یا پھر لوگوں کی چھتوں کے ساتھ لٹکی ہوئی ہیں اور محکمہ ان کو ٹھیک کرنے کی طرف کوئی خاطر خواہ دھیان نہیں دیتا ہے۔ اندروال کے مقامی لوگوں نے پی ڈی ڈی محکمہ کو تنقید کا نشانہ بناتے ہوے کہا کہ بارشیوں کا سلسلہ شروع ہوتے ہی دیہی علاقوں میں بجلی منقطع کی جاتی ہے۔چنگام، پہل گواڑہ، بھٹگام ،پارنہ ،خارپورہ ، کوترنہ ،بچین ،خواڑہ میں پچھلے کئی روز بعدبجلی کی سپلائی بحال ہوئی۔ لوگوں کا کہنا ہے کہ معمولی سی بارش یا برفباری ہوتی ہی بجلی کے کھمبے اکھڑنا شروع ہوجاتے ہیںاور دس روز بعد ہی بجلی کا دیدار نصیب ہوتا ہے جبکہ وہ پورے ماہ کی فیس محکمہ کو ادا کرتے ہیں۔ چھاترو کے دیگر علاقہ جات کا بھی یہی حال ہے۔ اگرچہ بجلی کا شیڈول مرتب کیا گیا ہے لیکن اسکے مطابق بجلی فراہم نہیں کی جاتی ہے ۔علاقہ سگدی کے مقامی لوگوں نے کشمیر عظمیٰ سے بات کرتے ہوے کہا کہ اگرچہ علاقہ میں دن کے وقت بجلی کچھ وقت کیلئے آجاتی ہے لیکن شام ہوتے ہی بجلی غایب ہوجاتی ہے اور ترسیلی لاینوں میں فالٹ کا بہانا بنایا جاتا ہے اور پھر دو یا تین روز کے بعد بجلی کی سپلائی کو معمولی طور بحال کیا جاتا ہے۔انھوں نے محکمہ پر الزام عائد کرتے ہوے کہا کہ جب کبھی بھی محکمہ کے ملازمین یاا علیٰ عہدیداروں سے اس متعلق رابطہ کیا جاتا ہے تو وہ فون اٹھانا تک گوارہ نہیں کرتے ہیں۔ عوام نے محکمہ سے بجلی کا شیڈول مرتب کرنے کی مانگ کی ہے تاکہ عوام کو مشکلات کا سامنا نہ کرنا پڑے۔