ریلوے کی نجکاری نہیں ہورہی ہے

نئی دہلی//وزیر ریل اشونی ویشنو نے کہا کہ ریلوے کی نجکاری نہ کرنے کی حکومت واضح پالیسی ہے کیونکہ ریلوے سے ملک کے عوام کے تئیں سماجی فرائض کا احساس جڑا ہو اہے ۔مسٹر ویشنو نے لوک سبھا میں عام بجٹ میں ویلوے کی وزارت کی گرانٹ مطالبات پر بحث کا جواب دیتے ہوئے بدھ کو کہا کہ حکومت ریلوے سے جڑے کسی شعبہ میں نجکاری کی پالیسی نہیں اپنا رہی ہے ۔حکومت ریلوے مسافروں کے اوپر سبسڈی کے طورپر آٹھ ہزار کروڑ روپے خرچ کرتی ہے ۔انہوںنے کہا ہے کہ مرکز میں وزیر اعظم نریندر مودی کی قیادت میں حکومت بننے کے بعد تقریباً پانچ لاکھ نوجوانوں کو ریلوے میں نوکریاں ملی ہیں۔انہوں نے کہا کہ جب بھرتی کا عمل درہم برہم رہتا ہے تو ایسی خصوصی مہم چلانی پڑتی ہے ۔ سنہ 2009 میں ریلوے کی جانب سے ایک خصوصی بھرتی مہم چلائی گئی تھی کیونکہ اس وقت بھرتیاں خلل پڑشکار ہوئی تھیں۔انہوں نے کہا کہ مودی حکومت کے آنے کے بعد2014 سے اب تک تین لاکھ 44 ہزار 646 افراد کو نوکریاں دی گئی ہیں اور ایک لاکھ 40 ہزار 713 آسامیوں پر بھرتی کا عمل جاری ہے جبکہ 2014 تک دو لاکھ 42 ہزار 709 کی تقرری ہوئی تھی۔ ان کا کہنا تھا کہ ان کی حکومت زیادہ سے زیادہ روزگار فراہم کرنے کے لیے پرعزم ہے اور تمام بھرتیاں شفاف طریقے سے کی جا رہی ہیں۔مسٹر ویشنو نے کہا کہ حکومت بھرتی کے معاملے میں امیدواروں کے مسائل سے حساس ڈھنگ سے نمٹ رہی ہے ۔ حکومت کو جو بھی شکایت آرہی ہے ، اسے خوش اسلوبی اور حساس طریقے سے حل کیا جارہا ہے ۔ انہوں نے کہا کہ آر پی ایف، عوام اور بالخصوص خواتین کی حفاظت کے بارے میں بھی بہت حساس ہے ۔