راہل گاندھی کے انتخاب پر پردیش کانگریس کمیٹی نے جشن منایا

 
 جموں//راہول گاندھی کوآل انڈیا کانگریس کمیٹی کابلامقابلہ صدرمنتخب ہونے پرپردیش کانگریس کمیٹی کے صدر مقام شہیدی چوک جموں میں جشن منایاگیا۔ پی سی سی صدرغلام احمدمیر اورپردیش کانگریس کمیٹیوںاورضلع کانگریس کمیٹیوں کے عہدے داروں اورکارکنوں نے آتش بازی اوربینڈ باجے بجاکراپنی خوشی کااظہار کیااورمٹھائیاں بھی تقسیم کیں۔اس موقعہ پراپنے خیالات کااظہارکرتے ہوئے پی سی سی چیف غلام احمدمیر نے راہل گاندھی کومبارکباددی اورکہاکہ جموں وکشمیرپردیش کانگریس کمیٹی کے سبھی کارکن اُن کے ساتھ ہیں ۔انہوں نے راہل گاندھی کویقین دلایاکہ وہ ان کے شانہ بشانہ کام کرتے ہوئے پارٹی کوہرسطح پرمضبوط بنانے کے ساتھ ساتھ عوام کی بے لوث خدمت کیلئے اپنے آپ کووقف کردیں گے۔اس موقعہ پر سینئرنائب صدر شام لال شرما، سی ایل پی لیڈرریگزن جورا، نائب صدوررمن بھلہ، تاج محی الدین ،جی این مونگا، وقاررسول وانی، ایم ایل اے کانتابھان، ٹھاکر بلبیرسنگھ ،ایم ایل سی ، ترجمان اعلیٰ رویندرشرما ،جنرل سیکریٹریز وکرم ملہوترہ،منموہن سنگھ،شبیراحمد خان، شاہ نوازچودھری ،ٹھاکرشیو دیوسنگھ ،پروفیسرگھارورام بھگت(سابق ممبران اسمبلی ،ڈی سی سی صدر،انیل چوپڑہ، سیکریٹریز کرشن لال بھگت ،پون رینہ، ششی شرما ،ندیم شریف صدراین ایس یوآئی ،نیرج کندن ،ستیش شرما ،وائس چیئرمین اقلیتی سیل گردرشن سنگھ، سریش برگوترہ، ڈی سی سی کارکن ،بی بی گپتا، ایس چوہان، ڈاکٹررام کانت کھجوریہ، جیوتی وید، پون شرما ، پون دیوسنگھ ، دیوان چند، آنندچوپڑا، اوردیگران شامل ہیں۔