عظمیٰ نیوز سروس
جموں// فوج ایڈونچر کے میدان میں اپنی شاندار روایت کو جاری رکھے ہوئے ہے۔ رائزنگ سٹار کور نے کوگٹی اور چوبیا پاسز تک ایک انتہائی مشکل اور سخت اونچائی والے ہمالیائی ٹریکنگ مہم کو انجام دیا جس میں 2500میٹر سے 5400میٹر تک کی خطرناک اونچائیوں کے ساتھ ناہموار علاقے میں 167 کلومیٹر کا فاصلہ طے کیا گیا۔اس مہم میں 16 ممبران شامل تھے اور راستہ کگٹی اور چوبیا درہوں سے گزرا جو دھولدھر اور زنسکار کے سنگم پر چھمبہ کی زرخیز اور سرسبز وادی کوگتی کو بنجر اونچائی والی سپتی وادی سے جوڑتا ہے۔
اس مہم کو یول میں جی او سی رائزنگ سٹار کور نے جھنڈی دکھائی۔ یہ مہم گرنے والے ہیروز کو خراج عقیدت پیش کرنے، اگنیور سکیم کو فروغ دینے، 76 سال کی آزادی کی یاد منانے، فوجیوں میں ایڈونچر کا جذبہ پیدا کرنے اور ایڈونچر سرگرمیوں کے ذریعے عوام کے ساتھ قریبی رابطہ قائم کرنے کے لیے شروع کی گئی تھی۔ ٹیم نے خطے کے نوجوانوں سے بھی بات چیت کی اور انہیں فوج میں شامل ہونے کی ترغیب دی۔
