سرینگر//نیشنل کانفرنس کے نائب صدر عمر عبداللہ نے کہا ہے کہ پیپلز الائنس برائے گپکار اعلامیہ نے عدالت عظمیٰ میں دفعہ 370 اور 35 اے کی تنسیخ کے خلاف دائر کی جانے والی عرضیوں پر فوری سماعت کی درخواست کی ہے۔عمر عبداللہ نے ایک ٹویٹ کو ری ٹویٹ کرتے ہوئے لکھا: 'پیپلز الائنس کی حالیہ میٹنگ میں لئے جانے والے فیصلے کے مطابق ہم نے عدالت عظمیٰ سے ان عرضیوں کی فوری طور پر سماعت کرنے کی درخواست کی ہے جن میں سال گذشتہ کے 5اگست کے فیصلوں کو چلینج کیا گیا ہے'۔انہوں نے جس ٹویٹ کو ری ٹویٹ کیا ہے اس میں کہا گیا ہے: 'جموں و کشمیر پیپلز کانفرنس نے عدالت عظمیٰ کی طرف رجوع کیا ہے کہ دفعہ 370، دفعہ35 اے اور جموں و کشمیر کو دو وفاقی حصوں میں منقسم کرنے کے خلاف دائر کی جانے والی عرضیوں کی فوری سماعت کی جائے'۔
دفعہ 370 کی تنسیخ کیخلاف دائر عرضیاں | عدالت عظمیٰ سے فوری سماعت کے خواہاں: عمر عبداللہ
