سمت بھارگو
راجوری//خطہ پیر پنچال میں ہورہی بارشوں کی وجہ سے خطہ کے ندی نالوں میں پانی کی سطح میں مسلسل اضافہ ہونا شروع ہو گیا ہے جبکہ خطہ میں کئی سڑکیں پسیاں آنے کی وجہ سے بند ہو گئی ۔اہم راجوری کوٹرنکہ روڈ پر گاڑیوں کی آمدورفت چھ گھنٹے سے زیادہ بند رہی جبکہ جی ایم سی راجوری روڈ پر لینڈ سلائیڈنگ کی وجہ سے تین گھنٹے تک طوفانی بارش کے دوران سیلاب سے کم از کم بیس کنال زرخیز زرعی اراضی کو نقصان پہنچا ۔سرحدی ضلع راجوری کے بیشتر علاقوں میں جمعہ اور ہفتہ کی درمیانی رات میں موسلادھار بارش ہوئی اور بارش سات گھنٹے سے زیادہ جاری رہی۔مقامی لوگوں نے بتایا کہ راجوری کے نگروٹہ، پالما، سالتار کے علاقوں میں موسلادھار بارش ہوئی اور زرعی کھیتوں اور دیگر املاک کو بڑے پیمانے پر نقصان پہنچا ہے۔انہوں نے بتایا کہ بھاری بارش کے درمیان نگروٹہ اور پالما کے درمیان کے علاقے میں سات چھوٹے سے بھاری لینڈ سلائیڈنگ کے ساتھ دو بھاری لینڈ سلائیڈنگ مین دو لین سڑک پر ہوئی جسے راجوری – کوٹرنکا – بدھل روڈ کہا جاتا ہے۔دونوں مقامات پر پسی گر آنے کی وجہ سے سڑک کا تقریباً ڈیڑھ سو میٹر سڑک ملبے تلے دب گئی جس سے گاڑیوں کی آمدورفت بند ہو گئی۔اس بڑے لینڈ سلائیڈ کی وجہ سے کم از کم چار رہائشی ڈھانچے بھی گرنے اور نقصان کے خطرے میں ہیں۔صبح 5 بجے کے قریب لینڈ سلائیڈنگ کی وجہ سے مین روڈ پر ٹریفک بلاک ہو گئی جس سے لوگوں خاص کر ملازمین اور طلباء کو شدید مشکلات کا سامنا کرنا پڑا۔حکام نے بتایا کہ ’’سڑک کی بحالی کا کام حکام کی جانب سے ہفتے کی صبح شروع کیا گیا تھا جو چھ گھنٹے سے زیادہ جاری رہا اور جمعہ کی دوپہر کو سڑک کو ٹریفک کے لیے بحال کر دیا گیا‘۔حکام نے مزید کہا کہ دونوں طرف چھ سو سے زائد گاڑیاں پھنسی ہوئی تھیں جنہیں دوپہر کو نکال لیا گیا ۔اس کے ساتھ ہی راجوری قصبہ کے کھیورہ علاقے سے بہنے والے ندی نالوں میں بھی ہفتہ کی صبح طغیانی آ گئی جس سے گورنمنٹ میڈیکل کالج راجوری کی مین سڑک پانی میں ڈوب گئی جس سے ٹریفک میں رکاوٹ پیدا ہو گئی۔مقامی لوگوں نے بتایا کہ شدید بارش کے دوران ندی نالوں میں طغیانی آگئی اور ندی کا پانی اس سے بہنے لگا اور گجر منڈی سے جی ایم سی راجوری تک کی مرکزی سڑک پانی میں ڈوب گئی اور دونوں طرف سے گاڑیاں پھنس گئیں۔
