حضرتبل میں5 قمارباز دھر لئے گئے

سرینگر//سماج میں پھیلی بْرائیوں کو جڑ سے اکھاڑ پھینکنے کیلئے سرینگر پولیس کی سرگرمیاں بدستور جاری ہیں۔ اس سلسلے میں چھیڑ ی گئی مہم کے تحت پولیس نے مصدقہ اطلاع ملنے کے بعد چیک با غ این آئی ٹی سرینگر کے عقب میں قائم کئے گئے قمار بازی کے ایک خفیہ اڈے پر چھاپہ ڈالا اور وہاں موقع پر ہی پانچ جواریوں جن کی شناخت منظور احمد ولد علی محمد ، نثار احمد ڈار ولد غلام محمد ، محمد ایوب ولد محمد شعبان ، افروز احمد ولد علی محمد اور غلام نبی ولد غلام محمد کے بطور ہوئی ہے کی گرفتاری عمل میں لاکر داو پر لگائی گئی 6ہزار تین سو روپیہ کی رقم اور تاش کے پتے موقع پر ہی ضبط کئے۔ پولیس نے اس سلسلے میں نگین پولیس اسٹیشن میں مختلف دفعات کے تحت کیس درج کرکے تحقیقات شروع کی۔ پولیس نے انتبا جاری کرتے ہوئے کہا ہے کہ جرائم کو فروغ دینے میں جو بھی شخص ملوث پایا جائے گا اس کے خلاف کڑی سے کڑی قانونی کارروائی عمل میں لائی جائے گی۔ مقامی لوگوں سے استدعا ہے کہ وہ سماجی بدعات کا قلع قمع کرنے کیلئے پولیس کو ہر سطح پر تعاون فراہم کریں۔