جی ایم سی سرینگر میںایکو انڈیا کا مرکز قائم | آشا ورکروں اور نرسوں کا تربیتی پروگرام آج سے

سرینگر //گورنمنٹ میڈیکل کالج سرینگر ایکو انڈیا کے ساتھ ملکر وادی میں کورونا وائرس کے خلاف لڑنے والے فرنٹ لائن ہیلتھ کیئر ورکروں کو جمعرات سے آن لائن تربیت فراہم کرے گا۔جی ایم سی سرینگر میں شعبہ کیمونٹی مڈیسن کے ڈاکٹروں کو تربیت فراہم کرنے کیلئے مرکز قائم کیا ہے اور بعد میں اسی مرکز سے دیگر جگہوں پر بھی شاخیں قائم کی جائیں گی ۔ 6ہفتوں تک جاری رہنے والے تربیتی پروگرام  کو 6گرپووں میں تقسیم کیا گیا ہے اور ہر گروپ میں 30سے زائد ہیلتھ کیئر ورکر رکھے گئے ہیں جنہیں 6مختلف موضوعات پر تربیت فراہم کی جائے گی۔ گورنمنٹ میڈیکل کالج سرینگر کے ترجمان ڈاکٹر سلیم خان نے بتایا ’’پروگراموں کے دوران  فرنٹ لائن ہیلتھ کیئر وکروں کو ٹیکہ کاری کی تربیت میں اضافہ کیا جائے گا۔ انہوں نے کہا کہ ہیلتھ کیئر ورکروں کو کورونا وائرس کو قابو کرنے اورحاملہ خواتین، عمررسیدہ افراد اور دودھ دینے والی مائوں کی ٹیکہ کاری پر بھی تربیت فراہم کی جائے گی۔ انہوں نے کہا کہ ابتدائی مرحلے میں بلاک حضرتبل کی آشا ورکروں اور نرسوں کو  گورنمنٹ میڈیکل کالج سرینگر سے 6ماڈلوں کی تربیت دی جائے گی۔ انہوں نے کہا کہ ایکو انڈیا نے جی ایم سی سرینگر میں شعبہ کیمونٹی مڈیسن کے ڈاکٹروں کو تربیت فراہم کرنے کیلئے مرکز قائم کیا ہے اور بعد میں اسی مرکز سے دیگر جگہوں پر بھی شاخیں قائم کی جائیں گی ۔