جنوبی کشمیر: بجبہاڑہ میں مسلح تصادم، انٹرنیٹ خدمات معطل

نیوز ڈیسک
سری نگر//جنوبی کشمیر کے اننت ناگ ضلع کے بجبہاڑہ کے سریہاما سری گفوارہ علاقے میں جنگجوؤں اور سیکورٹی فورسز کے درمیان تصادمشروع ہوا۔

 

 اطلاعات کے مطابق پولیس اور فوج کی 3 آر آر کی ایک مشترکہ ٹیم نے سریہاما سری گفوارہ میں محاصرے اور تلاشی کی کارروائی شروع کی۔

 

جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے فورسز پر گولیاں چلائیں جس سے فائرنگ کا تبادلہ شروع ہوگیا۔

 

ایک سینئر پولیس افسر نے بھی عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔

 

دریں اثنا اننت ناگ کے کچھ حصوں میں احتیاطی تدابیر کے لیے انٹرنیٹ بند کر دیا گیا ہے۔