عظمیٰ نیوز سروس
سرینگر //لیفٹیننٹ گورنر منوج سنہا نے جموں و کشمیر کی گرام پنچایتوں میں لین دین کے بی ایچ آئی ایم ۔ یو پی آئی موڈ کو اپناتے ہوئے ’ کیش لیس پنچائتوں ‘ کا افتتاح کیا ۔ راج بھون میں محکمہ دیہی ترقی اور پنچایتی راج کی طرف سے منعقدہ سوچھ بھارت تقریب میں لیفٹیننٹ گورنر نے پی ایم اے وائی ۔ جی کے بے زمین استفادہ کنندگان کو زمین کی الاٹمنٹ کے احکامات سونپے ۔ گاندھی جینتی کے موقع پر 245 مستفید ہونے والوں کو زمین کی الاٹمنٹ کے آرڈر دیئے گئے ۔ اس موقع پر انہوں نے جموں و کشمیر میں 13 بلاک ڈیولپمنٹ کونسل کی عمارتیں پی آر آئی کے نمائندوں کیلئے وقف کیں ۔ لیفٹیننٹ گورنر نے وزیر اعظم نریندر مودی کا جموں و کشمیر کی ایک نئی تقدیر کی تشکیل کیلئے شکریہ ادا کیا جس نے ’ ماڈل ‘ زمرے کے تحت او ڈی ایف پلس کا تاریخی سنگ میل حاصل کیا ہے ۔ انہوں نے محکمہ دیہی ترقی ، پنچایتی راج اداروں کے نمائندوں اور شہریوں کو تمام 6650 دیہاتوں میں 100 فیصد صفائی اور ٹھوس اور مائع فضلہ کے انتظام کو حاصل کرنے پر مبارکباد دی ۔
انہوں نے کہا کہ تمام پنچایتوں میں گھر گھر کچرے کو اکٹھا کرنا شروع کیا گیا ہے ، الگ کرنے کے شیڈ قائم کئے گئے ہیں اور فضلہ اکٹھا کرنے کے طریقہ کار کی پائیداری کو یقینی بنانے کیلئے ایک مالیاتی ماڈل تیار کیا گیا ہے ۔ لیفٹیننٹ گورنر نے دیہات میں رہنے والے لوگوں کی زندگیوں میں سماجی و اقتصادی تبدیلی لانے کیلئے یو ٹی انتظامیہ کی کوششوں کا اشتراک کیا ۔ لیفٹیننٹ گورنر نے کہا ’’ دیہی علاقوں میں ترقی جے اینڈ کے یو ٹی کی سماجی و اقتصادی ترقی کو ہوا دے رہی ہے ۔ ہمارے گاؤں سہولیات ، رابطے اور بنیادی ڈھانچے کے لحاظ سے شہروں کے قریب آ گئے ہیں ۔ ‘‘ انہوں نے مزید کہا کہ شراکتی نقطہ نظر کے ساتھ ہم نے سماجی اور ماحولیاتی تحفظ کو مضبوط کیا ہے اور نچلی سطح پر کاروباری مواقع پیدا کئے ہیں ۔ انہوں نے کہا کہ جموں و کشمیر کی 4274 گرام پنچائتوں کی کیش لیس موڈ پر آن بورڈنگ گرام پنچائتوں کو ڈیجٹل بنانے اور انہیں زیادہ شفاف ، جوابدہ اور موثر بنانے کی حکومت کی کوششوں کا حصہ ہے ۔ لیفٹیننٹ گورنر نے ’ سوچھتا بلٹین ‘ کے اس نئی پہل کیلئے ڈائریکٹوریٹ آف رورل سینی ٹیشن کی ستائش کی جو کہ جن ۔ بھاگیداری کے جذبے کے تحت اضلاع کی روزانہ کی تازہ کاریوں ، سرگرمیوں کی نگرانی اور اشتراک کرنے کیلئے اور کمیونٹی کے اراکین کو رائے دینے اور ’’ سوچھ اور سوستھ جموں و کشمیر ‘‘ کی تعمیر میں اپنا حصہ ڈالنے کی ترغیب دیتی ہے ۔ انہوں نے محکمہ دیہی ترقی کو ہدایت دی کہ دیہی علاقوں میں صفائی ستھرائی کیلئے لگائے گئے نئے نظام کو متحرک رکھا جائے ، اس سفر میں جو نئی سہولیات تیار کی گئی ہیں ا ن کی مناسب دیکھ بھال کی جائے اور ویسٹ منیجمنٹ سسٹم کی مسلسل نگرانی کی جائے ۔ انہوںنے مصنوعی ذہانت جیسی ٹیکنالوجی کی مدد سے سوچھ گرام کے روز مرہ کے انتظام اور مستقبل کی دیگر ضروریات کیلئے ڈیٹا کے تجزیہ پر زور دیا ۔اس موقع پر کیش لیس پنچایتوں کے سرپنچوں کو بھی اس موقع پر نوازا گیا ۔
