سرینگر //جموں و کشمیر میں 103روز بعد 9اضلاع میں کسی کی رپورٹ مثبت نہیں آئی ہے جبکہ دیگر 11اضلاع میں صرف 75افراد مثبت قرار دئے گئے ہیں۔پچھلے 24گھنٹوں کے دوران جموں و کشمیر میں کورونا وائرس کی تشخیص کیلئے 61ہزار 863ٹیسٹ کئے گئے جن میں صرف 75افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 52ہزار 722تک پہنچ گئی ہے۔ اس دوران مسلسل تیسرے دن بھی جموں و کشمیر میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 4748بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 75افراد متاثر ہوئے ہیں جن میں جموں صوبے میں 52جبکہ کشمیر میں23افراد متاثر ہوئے ہیں۔ کشمیر صوبے کے 10اضلاع میں پلوامہ، اننت ناگ ، بانڈی پورہ گاندربل اور شوپیان میں کسی کی رپورٹ مثبت نہیں آئی ہے جبکہ مثبت قرار دئے گئے 23افراد دیگر 5اضلاع سے تعلق رکھتے ہیں۔ کشمیر صوبے میں مثبت قرار دئے گئے 23افراد میں سرینگر میں 12، بارہمولہ میں 3، بڈگام میں 2،کپوارہ میں1 اور کولگام میں 5افراد کی رپورٹیں مثبت آئی ہیں۔ کشمیر میں متاثرین کی مجموعی تعداد 2لاکھ 86ہزار 986ہوگئی ہے۔ اس دوران جمعرات کو مسلسل تیسرے دن بھی وادی میں کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے میں کورونا وائرس سے مزید 52افراد متاثر ہوئے ہیں۔ جموں صوبے کے راجوری، سانبہ، کشتواڑ اور پونچھ میں کسی کی رپورٹ مثبت نہیں آئی ہے جبکہ دیگر 6اضلاع میں 52افراد کی رپورٹیں مثبت قرار دی گئی۔ جموں صوبے میں مثبت قرار دئے گئے 52افراد مقامی سطح پر رابطے میں آنے کی وجہ سے متاثر ہوئے ہیں۔ مثبت قرار دئے گئے 52افراد میں ضلع جموں میںسب سے زیادہ 18، ادھمپور میں4، ڈودہ میں 22،کٹھوعہ میں 5، رام بن میں 2، ریاسی میں 1کی رپورٹ مثبت قرار دی گئی ہے۔ جموں صوبے میں متاثرین کی مجموعی تعداد 1لاکھ 65ہزار 758ہوگئی ہے۔ جموں صوبے میں کورونا وائرس سے کسی کی موت نہیں ہوئی ہے۔ جموں صوبے میں متوفین کی مجموعی تعداد 2325بنی ہوئی ہے۔
جموں کشمیر میں صرف75مثبت
