سری نگر//بدھ کے روز جموں و کشمیر اور لداخ میں موسم خشک رہا کیونکہ محکمہ موسمیات نے اگلے 24گھنٹوں کے دوران دونوں یو ٹیزمیں کافی دھوپ کے ساتھ موسم خشک رہنے کی پیش گوئی کی ہے۔
محکمہ موسمیات کے ایک اہلکار نے کہا، "اگلے 24 گھنٹوں کے دوران جموں و کشمیر اور لداخ میں کافی دھوپ کے ساتھ موسم خشک رہنے کی توقع ہے"۔
سری نگر میں آج کم سے کم درجہ حرارت 7.9، پہلگام 1.8اور گلمرگ میں 1.0ڈگری سیلسیس ریکارڈ کیا گیا ۔
لداخ خطے کے دراس شہر میں رات کا سب سے کم درجہ حرارت منفی 7.6، لیہہ 1.2 اور کرگل منفی 4.7تھا۔
جموں شہر کا کم سے کم درجہ حرارت 16.8، کٹرہ 18.2، بٹوت 13.5، بانہال 14.2 اور بھدرواہ 9.3 ریکارڈ کیا گیا۔
