رمیش کیسر
نوشہرہ //محکمہ جل شکتی نوشہرہ کی جانب سے پانی کے پائپ زمین میں دفنانے کے بجائے زمین کے اوپر لگائے جا رہے ہیں، اس طرح سے سرکاری خزانے سے پیسہ لوٹا جا رہا ہے۔محکمہ جل شکتی نوشہرہ کی جانب سے دیہی علاقوں میں لوگوں کو صاف پانی فراہم کرنے کے لیے پائپ لگائے جا رہے ہیں، انہیں زیر زمین دفن کرنے کی بجائے زمین سے اوپر جوڑا جا رہا ہے، جس کی وجہ سے ٹریکٹر اور گاڑیاں چلنے پر یہ پائپ اکھڑ جاتے ہیں، جس سے بجلی بھی متاثر ہوتی ہے۔محکمہ کے قانون کے مطابق جو ٹھیکیدار پائپ بچھانے کا ٹھیکہ لیتا ہے اسے پائپ کو 4 فٹ گہرائی تک زمین کے نیچے دفنانا ہوتا ہے، تب ہی بل تیار ہوتا ہے۔ لیکن اب محکمے کے قانون کے مطابق ایسا نہیں ہے الٹا یہ ہو رہا ہے کہ ٹھیکیدار کمیشن دے کر بل پاس کرواتے ہیں۔عوام نے اس سلسلہ پر روک لگا کر معاملہ کی تحقیقات کرنے کی مانگ کی ہے۔
