عظمیٰ نیوز سروس
سری نگر// لیفٹیننٹ گورنر منوج سنہا نے کل سری نگر میں سنسکرت مہوتسو میں شرکت کی، جس میں کرناٹک کے ممتاز لوک رقص پیش کیے گئے تھے۔ لیفٹیننٹ گورنر نے کرناٹک کے فنکاروں کا خیرمقدم کیا اور اکیڈمی آف آرٹ، کلچر اینڈ لینگوئجز کی بھرپور تنوع اور بے عمر ہندوستانی ثقافت کی انفرادیت اور جموں و کشمیر اور کرناٹک کے درمیان ثقافتی باہمی روابط کو فروغ دینے کی کوشش کی ستائش کی۔ .لیفٹیننٹ گورنر نے کہا ’’ہمارا بنیادی مقصد ثقافتی تنوع کو مقبول بنانا اور نوجوان نسل کو ملک کے ناقابل یقین فنون اور پرفارمنگ آرٹ فارمس سے دوبارہ جوڑنا ہے، اس طرح کی تقریبات ’ایک بھارت شریشٹھ بھارت‘ کی بہترین مثالیں ہیں اور معاشرے میں زیادہ سے زیادہ امن، خوشحالی اور خوشی لاتی ہیں۔لیفٹیننٹ گورنر نے فنکاروں کی تعریف کی جنہوں نے کرناٹک کے مشہور روایتی لوک رقص کا مظاہرہ کیا۔انہوں نے کہا کہ فن کی تمام شکلوں اور لوک روایت کا مقصد مختلف ثقافتوں اور زبانوں کے درمیان ایک پل بنانا، انہیں ایک دھاگے میں باندھنا اور معاشرے اور ملک کو جوڑنا ہے۔ انہوں نے مزید کہا کہ ہر زبان، ہر ساز، ہر رقص کے انداز میں اتحاد کا ایک پیغام ہے۔لیفٹیننٹ گورنر نے مزید کہا کہ میں کرناٹک کے فنکاروں کو شری ماتا ویشنو دیوی کی عبادت گاہ میں آنے والے نوراترا فیسٹیول کے دوران یکشگانا پرفارم کرتے ہوئے دیکھ کر پر امید ہوں۔اس موقعہ پرایل جی کے مشیرایس راجیو رائے بھٹناگر، وائس چیئرپرسنKVIB ڈاکٹر حنا شفیع بٹ، چیف سکریٹری ڈاکٹر ارون کمار مہتا،سیکرٹری محکمہ سیاحت ڈاکٹر سید عابد رشید شاہ، سکریٹری JKAACL ایس بھرت سنگھ منہاس، سینئر افسران اور مختلف شعبوں سے تعلق رکھنے والی نامور شخصیات موجود تھیں۔
