ثانیہ مرزا سنسناٹی اوپن سے باہر

 سنسناٹی/یواین آئی//ہندستانی ٹینس کھلاڑی ثانیہ مرزا یہاں بدھ کی رات اپنی تیونیشیائی جوڑی دار آنز جبور کے ساتھ یہاں سیدھے سیٹوں میں شکست کے بعد اے ٹی پی ماسٹرز 1000 ویسٹرن اور ساودرن سنسناٹی اوپن کی خواتین ڈبلز مقابلے سے باہر ہوگئیں۔ انہیں ٹورنامنٹ کے پہلے راونڈ کے میچ میں روس کی ویرونیکا کوڈرمیتاوا اور قزاقستان کی ایلینا رباکینا کی جوڑی سے 5-7 ، 2-6 سے شکست کا سامنا کرنا پڑا ۔ ایک گھنٹہ تین منٹ تک جاری رہنے والے میچ میں ثانیہ اور جبور نے چار ایس مارے اور دو ڈبل فالٹ کئے ۔ دونوں نے چھ میں سے دو بریک پوائنٹس بچائے اور پہلی سروس میں 27 میں سے 19 پوائنٹس حاصل کیے ۔دوسری طرف ویرونیکا اور ایلینا نے ایک ایک ایس مارا اور ڈبل فالٹ کیے ۔ اس جوڑی نے چھ میں سے پانچ بریک پوائنٹ بچاتے ہوئے پہلی سروس میں 36 میں سے 27 پوائنٹس جیتے ۔ اس سے قبل ٹورنامنٹ کے مردوں کے ڈبلز کے پہلے راونڈ کے میچ میں سربیا کے فلپ کراجینووچ اور فرانس کے فیبرس مارٹن نے ہندوستان کے روہن بوپنا اور کروشیا کے ایوان ڈوڈیگ کو 1-6 ، 6-4 ، 10-7 سے شکست دی۔