عظمیٰ نیوز سروس
کپوارہ// کپوارہ کے کاواری ہندوارہ میں ایک دوشیزہ نالہ پہرو میں غرقآب ہوگئی۔ سعدیہ مقبول دختر محمد مقبول شاہ ساکن کاواری جگر پورہ ہندوارہ اتوار کی دوپہر کو نالہ پہرو کے کنارے کپڑے دھو رہی تھی کہ اس دوران ان کا پیر پھسل کیا اور وہ نالہ میں ڈوب کر غر قآب ہوگئی ۔ سخت کوششوں کے بعد 16سالہ سعدیہ کو بے ہوشی کی حالت میں پانی سے بر آمد کیا اور قریبی اسپتال میں داخل کیا جہا ں ڈاکٹرو ں نے انہیں مردہ قرار دیا ۔دوشیزہ کے مرنے کی خبر سنتے ہی کاواری علاقہ میں کہرام مچ گیا اور انہیں پر نم آنکھو ں سے سپرد خاک کیا گیا ۔مقامی لوگو ں کا کہنا ہے کہ آج تک نالہ پہرو نے کئی انسانی جانو ں کو نگل لیا ۔ان کا کہنا ہے کہ کاواری میں پانی کی عدم دستیابی کی وجہ سے لوگو ں کو سخت مشکلات کا سامنا کرنا پڑتا ہے اور یہا ں کے لوگ نالہ پہرو پر کپڑے دھونے یا پانی حاصل کرنے کے لئے مجبور ہوتے ہیں ۔ادھرڈاڈسرہ ترال میں پانچ سالہ بچی زینت بلال ولد بلال احمد ارتھر موٹر کو چھونے کے دوران بجلی کرنے لگی کی وجہ سے لقمہ اجل بن گئی۔ مقامی لوگوں نے بتایا اگر چہ بچی کو فوری طور ہسپتال پہنچایا گیا تھا تاہم ڈاکٹروں نے اس مردہ قرار دیا ۔اس واقعے کے بعد پورا علاقہ ماتم کدے میں تبدیل ہوا ور کمسن بچی کی موت کی وجہ سے صدمے میں تبدیل ہوا ۔ادھراننت ناگ ضلع میںسنگم ستھر کے مقام پر محمد شبیر ولد نور احمد ساکنہ ریاسی اس وقت دریائے جہلم میں ڈوب گیا جب وہ دریا میں نہانے کے غرض سے اترا تھا اور پھسل جانے کے نتیجے میں وہ جہلم میں ڈوب گیا ۔ نوجوان کے ڈوب جانے کی خبر پھیلتے ہی مقامی لوگ ، پولیس اور ایس ڈی آر ایف کی ٹیم موقعہ پر پہنچ گئی اور انہوں نے نوجوان کی نعش باز یاب کرنے کیلئے کارروائی شروع کردی تاہم آخری اطلاعات ملنے تک اس کی نعش بر آمد نہیں کی گئی تھی ۔ادھر شمالی کشمیر کی سوپور-رفیع آباد سڑک پر ایک کار زیر رجسٹریشن نمبر JK05A-5398 اتوار کی صبح 6 بجے کے قریب سڑک سے لڑھک کر نالے میں جا گری جس کے نتیجے میں اس میں سوار افراد کو شدید چوٹیں آئیں۔ زخمیوں کو علاج کے لیے جی ایم سی بارہمولہ منتقل کیا گیا جہاں سے سمیر احمد ڈار (45) ولد محمد رمضان ڈار ساکن خواجہ گلگت سوپور کو سکمز سرینگر منتقل کیا گیا ہے۔ دیگر زخمیوں کی شناخت وسیم بشیر ڈار (35) ولد بشیر احمد ڈار ساکن مہراج پورہ سوپور اور امتیاز احمد میر (60) ولد غلام نبی میر ساکن چیکرودے خان سوپور کے طور پر ہوئی ہے۔ادھر بجبہاڑہ میں قومی شاہراہ پر ٹاٹا موبائل زیررجسٹریشن نمبر JK21C-8406اور ایک سومو زیر رجسٹریشن نمبر JK16-0948 ایئر سٹرپ پر آپس میں ٹکرا گئیں۔اوراس واقعے میں نو افراد زخمی ہوئے ۔زخمیوں کی شناخت رومیسہ زوجہ اشتیاق احمد شیخ ساکن سونامرگ، عبدالقیوم بیران ولد نذیر احمد ساکن کنگن، عذرا دختر ارشاد احمد شیخ ساکن کنگن، عشرت دختر ریاض احمد شیخ، سالرین زوجہ نثار احمد خان؛ حاکم ولد نثار احمد خان، ارہان ولد اشتیاق احمد خان، عماد ولد اشتیاق احمد خان اور عثمان نثار احمد خان ساکن تمام کنگن کے طور پر ہوئی ہے۔
